唔知點解突然好想做網上音樂人…

日日對住部電腦，做自己喜歡既音樂，真係好幸福…

我覺得自己係真心鍾意音樂，唔係淨指流行曲，我發覺自己唔抗拒古典音樂同JAZZ。

我以前覺得JAZZ係好懷舊好OUT，但自從睇完SWING GIRLS之後，開始覺得JAZZ係一種可以令人好投入既音樂，聽完之後心情都會跟住改變。

之後再一次接觸呢種音樂係响GRADE 6 PIANO EXAM既SYLLABUS度見到JAZZY PIANO（C:1），我鋼琴老師彈比我聽既時候已經覺得呢首Feelin Good唔錯，但我一心諗住揀另一首容易D（C:2）既彈，冇咩再留意。

直到呀藍話比我聽佢彈唔掂C:2，因為C:2係講個鬥牛士出場前既祈禱，D音雖然係幾簡單幾易彈，但呢首係慢到冇人有，好似「做好準備」悲傷，呀藍根本彈唔到呢種感覺出泥，所以轉左C:3，係咁STACCATO。

咁岩果個WEEKEND去學琴就要開始學第三首（即係C PART），鋼琴老師話諗清楚揀咩歌先好開
始，我最後都係揀左自己最鍾意果首Feelin Good！

鋼琴老師就叫我番屋企係咁聽個示範（其實ABRSM有出埋隻CD入面有晒所有考試歌既DEMO比考生聽），聽熟晒D拍子，禁下D音先再學其他野。

我而家係一路打一路聽緊架下！難得開電腦唔係聽何C既歌ＸＤ

哈哈，其實我開頭唔係想打關於呢D野架，不過諗到咪打囉！Yeah！

P.S. 頭先食緊飯同食完飯睇有線新聞台果時播左兩次NIKI CHOW個廣告！日日睇新聞就日日聽兩次，搞到我地全家人愈泥愈憎周麗淇！佢把聲真係好刺耳！