|
今日5點幾本來想起身做功課,
不過唔想起,hea左陣,
點知我細佬無啦啦大叫,
我阿媽同佢出左廳,睇下佢嗌咩啦~~
果陣都俾佢嚇醒哂,幾驚唔知有d咩呀~~
原來係佢發惡夢咋~~嚇得我~~
跟住都死死地起身做功課,上it-school睇下先~~
一睇之下.....即變唔開心,無奈囉~~
跟住我一路唔開心,一路做功課,
可能係冇咩心機啦,加上又打左一篇日記~~
(呵呵,你地唔會睇到架喇~~)
淨係做左epa vocab,
其他返到去先抄啦~~
跟住返到去都ok早,即刻開始我既抄功課行動lu~~
又要做IS,又要做英文,超趕~~
不過好彩我都抄得OK快~~冇事!!
之後上IS堂,都冇聽書~~
EPA同PTH派卷,
EPA--唔合格,超唔開心囉~~
我有溫書架~~不過最重要果到唔知邊題打邊,
MISS叫我地背果D我都有背,不過就係冇背問題,
唔知點答,超想喊........不過我唔會~~
聽到人地開心既聲音,就覺得好似俾人打咁,好唔開心~~
如果我係冇溫書,我都話係自己抵死,冇所謂,
但係.......我真係有俾心機溫書架~~
唉~~算啦~~都過左去架喇~~
PTH,合格,不過有幾題好唔抵~~
英文ok啦,冇咩野,
派左gammar test,唔合格,
不過都有好多人~~
katy又係最高分喇!!
lunch同人玩,點知輸左好多局,
狂俾人打手,面就少d~~
『鄧俊』打人超大力,
amy又係,不過『鄧俊』大力d.....
結果俾『鄧俊』打到隻手瘀左~~=="
mus堂--miss chanchan冇返,有人代堂,
冇咩好做,超快過左......
跟住放左學要去跳jazz,冇咩心機,
可能係因為唔多開心啦,完全跟唔上..=="
上到4點半到,同miss講話唔舒服,想早走,
唔知點解暈暈地~~
落樓梯果陣見到『ET』,又同佢猜,
佢打人都好大力呀!!
我有一次唔小心打左落佢隻錶到,
跟住撘車毅去果陣覺得無名指有個位幾痛,
一睇先知瘀左,初初都唔知點解會咁,
跟住就記得係『ET』隻錶~~
隻左手嚴重受創,首先係俾『鄧俊』打瘀,
跟住俾『ET』打到d微絲血管爆哂~~
到而加仲有呀,不過d紅就一早散哂lu~~
返到屋企無無聊聊咁,就過左lu~~
而加係到打日記囉!!
第一次打咁多字,睇死人添~~
我覺得.......自己今日玩到超癲,
可能係因為佢啦~~
今日.......都係唔使妄想喇~~
我覺得........今日係我最黑仔既一日....事事不如意....好唔開心....好想喊....
|
