今日等巴士等左十五分鐘還未有車, 等到我心都煩埋, 我後面有兩個師奶傾計, 仲傾得好鬼大聲, 我己經戴住耳筒, 都仲係好大聲, 所以我把耳筒再塞入d, 塞入d, 先冇禁嘈, 十五分鐘後巴士終於到逹, 很不幸迫滿曬人, 很不容易才迫到上車, 我後面兩個師奶原本都己經入唔到, 佢地仲要係咁迫係咁迫, 我迫到手袋都斜埋, 隻手都夾到郁唔到, 隻腳就更加冇可能郁到啦! 唉.......想靈修都唔得!　去到觀塘再轉９８A先至有時間靜靜地坐係度睇, 但我睇完靈修釋義, 經文都未睇就己經想抖抖了, 因為我坐車面向車頭, 我集中精神睇書唔夠二十分鐘就會好睇訓, 倒頭車唔夠五分鐘就己經頂唔順了, 返到公司好像冇咩野動力, 可能是因為沒月禱告, 所以就算唔想去廁所, 我都專誠走進廁所祈求神的帶領, 果然有d幫助.

依家我做緊一個project叫要為一間公司做一個展覽既設計, 想形造一個家的感覺, 我以書櫃黎形造一個家的感覺, 一朝早我把這設計意念解釋給上司知道, 上司聽完, 完全被否定, 但我沒有逃避, 立刻走入廁所求神賜我靈感, 及謙卑, 神在不知不覺間, 讓我得到平安, 重新再構思一個全新的設計, 上司看完都很喜歡, 因為這設計是上司引道我去想的, 但我起初沒有完全接納上司的意見, 暗地裡自己重新設計過一個, 希望他會欣賞我的才華, 禱告後才發覺自己心存驕傲, 神不是賜與我有靈感, 而是讓我放低自己服從上司, 我記得有一段經文講到 (你們作僕人,要懼怕, 戰兢, 用誠實的心聽從你們肉身的主人, 好像聽從基督一般. 不要只在眼前事奉, 像是討人喜歡的, 要像基督的僕人, 從心裡遵行神的旨意, 甘心事奉, 好像服事主, 不像服待人. 因為曉得各人所行的善事, 不論是為奴的, 是自主的, 都必按所行的, 得主的賞賜.) 這經文很有意思, 我會用心記住.

7:45分全公司D人都己經走曬, 得返我自己一個人, 個腦又塞左, 半個鐘後都仲有野未完成, 我決定左帶返屋企做, 希望返到屋企有心機做啦.........星期一既十二點就要交貨了.