星期六及星期日都過得好精彩, 今日係星期一終於都要返工, 上車又見到同一個司機, 上次佢諗住唔等埋我上車就咁開始走左去, 佢化左妝我都認得佢呀! 今日落觀塘架巴士又係迫到嘔><

我覺得自己都算厲害了,  禁迫都可以羅本靈修書出黎靈修, 我隔離有個女人, 佢好似個筆倒翁咁, 因為佢企係人堆中間, 又冇野可以比佢扶住, 所以架車一入彎, 或者煞車, 佢就撞向前面個女仔, 然而再撞向後面個男仔, 因為我有野扶住, 所以我睇住佢都幾好笑.

返到公司, 人都未見, 坐係入面的一位設計部同事己經先聲奪人咁叫左早晨, 佢唔知有冇諗過, 如果我開左門再出返去, 佢會唔會而為撞鬼呢? 定係以為有人玩野? 都幾好笑喎! 下次試下先. 哈哈.....一朝早求神賜我有智慧工作, 和靈巧像蛇的嘴巴讓我能夠表逹我的設計音意念, 因為我份人只懂做, 但不懂推銷我的設計.

我發覺到每天都為自己的軟弱(口才, 人際關係, 溝通)祈求, 神會不斷教導我, 我己比之前進了一大進, 我從前在三聯等書局, 不斷購買提升口才技巧, 及人際關係的書籍, 己經六年了, 它的幫助佷少, 反而我現在依靠主, 及勤讀聖經, 效果完全不同, 我現在敢楂咪講野, 敢向上司表逹意見, 敢向同事講下生活趣事, 這些變化令我唔同曬, 個人都開心左.