今日好正呀! 訓到黃朝白晏先起床, (11:30) 成個人都精神曬, 我最鐘意星期六, 因為可以訓到好晏都冇人會嘈我起身, 我最鐘意星期六, 因為可以陪屋企人飲茶食飯, 可以到社區中心做義工探一D獨居老人, 了解多D唔同人既需要, 幫到人我就會覺得好開心, 就會覺得自己的問題變得渺少, 睇li 個世界眼光都會寛好多.

同屋企人到樂華飲完茶之後就返左教會幫手in人, 我地crosslink又有新成員加入喇! 佢地就係展豪同埋嘉欣喇! 嘉欣佢比以前成熟左, 佢比以前同神的關係更加親近, 我覺得佢一定能夠做到佢既理想. 展豪我其實對佢既認識唔深, 可能因為我同佢都係一d比較被動既人, 所以大家都冇咩野機會溝通, 但今日我又再加深我對佢既認識, 了解到佢既性格同埋做事方式, 讓我有左個心理準備, 去同佢合作, 我覺得真係好, crosslink每年都在發展中, 我地若果仍然堅持住用音樂去榮耀神, 神係會開路比我地, 神係會比我地在事奉上尋求突破,成長的.

今日行程好緊密呀! 夜晚我就同左靜嫻去cafe傾計,食飯,靈修, 我好享受這個過程, 因為可以同一個最愛既人一齊傾最重要既野, 神的說話對我來講是最重要, 因為唔清楚神想我地點, 我都唔知星期一至五條路應該點行, 因為工作的表現, 最大決定於就是你點樣去睇lI 份工, 若果你覺得打份工只是為左兩斗米而折腰, 這種思想不是沒有道理, 但若果以工作去榮耀神你就會做得更開心, 你會知道工作是要與同事建立關係, 繼而傳揚福音, 這時候你唔單止可以榮耀到神, 你仲可以在傳福音上得到喜樂, 做人只係諗錢, 好似好冇樂趣, 幫下人 , 做多D有意義既事, 做人都開心D.^_^ 近排真係開心, 因為可以在工作以外的時間做到好多有意義的事.