等我諗諗今日做左D咩野先, 今日有一樣野要值得感恩呀! 哈哈.....就係我可以同同事傾多過十句說話, 真係要飲返杯......汽水興祝一下呀! 我平時食飯係唔會講野嫁! 以前的我唔講野是正常的, 講野先唔正常, 但依家識得諗左, 返工都己經禁辛苦, 點解食飯時間唔去好好比自己輕鬆一下呢? 仲可以增進與同事之間的友誼, 工作更易互相配合, 因為熟絡左, 有野做錯都比人話都話得好聲好氣d, 我要繼續努力, 明天再講多幾句......神啊! 我願意放下自己, 講你不繼改變舊我, 成為合你心意的僕人.

放工我同左阿寶, snoopy, 靜嫻到九龍城食飯, 本身都冇咩野意慾想去, 因為覺得冇咩野傾, 但去到同我所諗的又唔同, 又幾開心喎, 傾下以前阿寶追snoopy d野, 傾下我尋日一邊玩車車, 一邊同靜嫻傾電話, 最後比靜嫻嬲左我, 我要請佢食十次早餐, 佢先原諒我炸>_<.....拍拖係要咁樣先至似返d樣既, 平平淡淡邊好嫁! 哈哈......