剛剛發左兩個夢, 第一個夢是, 我約左一班弟兄姊妹, 出茶餐廳食飯, 我地好開心, 傾到天昏地暗, 旁若無人, 笑得好大聲, 講野講得好大聲, 突然隔離位有一班人就講:　(你地D基督徒真係好冇禮貌, 出街食飯講野講到禁大聲, 好滋擾其他人, 果班人的其中一個人叫左我地一個弟兄過去, 弟兄過到去, 佢突然係身上攞左把菜刀出黎, 好快咁一刀就X左落佢隻手度, 因為我地人丁單薄, 又冇武器, 所以我就立刻自己一個跑出餐廳, 出到去商場由六樓跑到落一樓, 我見佢地冇追過黎, 咁我就行下商場, 跟住再行返上幾層, 竟然比我見返用刀X我朋友果個人, 我唔知道幾時買左個枕頭, 我用枕頭傘住自己塊面, 我地差不多擦身而過, 佢都好似留意唔到我, 又或者咁講, 佢留意到我但冇叫停我, 跟住第一個夢就連接左落第二個夢.

第二個夢是, 我得到了一SET寶物, 寶物我睇唔出係咩野, 不過印象中我身上係有十幾件, 我還未集齊, 其實寶物係有分唔卷的, 好似聖經咁, 呀!!! 其實係好似死海古卷咁, 我知道自己還未集齊, 但我知道有一個地方係會攞放這些寶物, 但是供人任意參觀, 仲要係冇保安在把守, 我行到埋寶箱見到有幾卷我都沒有看過, 我就放低身上既所有財物, 並且我身上的所有寶物, 我出去祈禱, 祈完很滿足, 跟住我就唔記得左攞返自己D野就走左喇.........個夢就完左了..