一個人有幾多成就，當然要靠自己去努力爭取，但仔細回想，這幾年來我讀書考cert進度驚人，連我自己也有點吃驚，這才發覺......這都全因為你.....

其實一直以來我都把你當作另一半，有你一直係我身邊，我唔需要去花時間去尋尋覓覓，我唔需要對其他女仔朝思暮想。因為有你守在身旁，我心靈就滿足了，我可以專心去處理我既工作，認真去讀書，心無旁騖。你俾我的感覺是個專一認真既女仔，同你一齊我好放心，對你絕對信任，所以我可以無後顧之憂甘去衝......

其實這一切一切都是你的功勞......
不是有一句說話，“ 成功的男人背後都有一個偉大的女人”嗎？
我幾經辛苦，取得了成就，交完我既碩士論文，正努力的待你好，怎麼你卻選擇在這個時候離開我呢？成就再高，沒有你在旁，根本不知在為誰而奮鬥......
我努力的成果又有誰來分享？赢了成就，卻輸了你，贏了世界又如何？

曾經你同我講，你唔想我讀博士學位，或者你覺得我地學歷上有太大既差距，又或者你覺得我會因此冇時間陪你……其實我有用心去考慮過這個問題，但攻讀博士學位係我既理想，愛情跟理想不應該有衝突，更何況我有多大成就，不也就是你的驕傲嗎？年齡、家庭環境和學歷差距不應該是兩個人關係既距離，反而大家有否尊重、珍惜和用心去愛才該是關係遠近既主因……其實我有考慮過離開我服務十年既義工隊，希望有更多既時間去陪你，因為我真的很重視你。但你開學後一直活躍於各個課外活動，大小O camp等，又或是忙於溫書，我一直努力約會你，但你總有推搪我既理由，我真的很迷惘……內心多番掙扎，不知道我抽空時間俾你，你又有冇時間俾我呢……其實我好怕一切只係我一廂情願……