曾經她是個基督徒，每星期返教會活動，是個善良既孩子……後來因為愛上的男孩子不愛她，更說返教會又遠，車費又貴，她寧可放棄基督徒的身份……我覺得好可惜，為世俗既事而放棄信仰，是件可悲既事……不知怎的，那時就有種感覺，主要我去守護這個女孩子，不要讓她受傷害。

後來我教佢玩AYP，她就去參加了……佢之後又去社區中心做義工，她熱衷於課外活動，我覺得她跟我好相似，跟我一樣滿有活力，充滿了我的影子……

有一年母親節，我問佢有咩禮物送俾媽媽，佢話佢準備左張卡，仲打算將自己辛苦儲埋既零用錢請媽媽食飯……佢話雖然張卡唔值錢，但係代表自己既心意……那時我就發覺這個女孩子一來好慳儉，二來好孝順，我真的對這個溫馴善良的女孩子産生了好感……

2012年10月，佢同我講佢對我地唔上唔落既關係感到好不安，明示暗示著要我表白，我卻回應說我不是個十零歲既死𡃁仔，當時我地只出過一次街……我好怕好怕……我怕年紀輕輕的她不認真，我怕失去一個知心好友，好聆聽者……我亦怕影響佢DSE……佢好快就話明白我既想法，希望大家可以做住朋友先……當時我真係好感動，一個女仔甘主動，而且亦體諒我既想法，被拒了仍敢於繼續做朋友留係對方身邊，守候對方，這種行為我真係好欣賞……作為男仔既我也沒有這樣勇往直前的勇氣，我真係好自卑……

後來她受不住這種唔上唔落既關係，又要兼顧DSE，大家斷左好幾個月聯絡，但最後大家終於聯絡返，她跟我說，大家點都返唔到去以前既關係，我還跟她說，唔緊要，大家咪做朋友囉……想不到考完DSE後，我地竟然再次擦出花火……緣份真係好奇妙，到底是甚麼竟可令我地兩度擦出花火……

上年暑假同佢出左好多次街，我慢慢俾佢吸引，佢好細心，佢總會留意到我額頭上有汗，主動拎紙巾俾我，更有趣既係佢總會將紙巾撕開一半，一半俾我，一半俾自己……一張紙巾兩份用，真係好有情侶既感覺，但佢解釋竟然係話一個人用唔曬成張紙巾，我真係哭笑不得……陪住佢出街，每晩傾住電話，真係好幸福……不知怎的，就係好想好想同佢一齊，俾最好既野佢……所以我唔會計較價錢，只想帶佢食好的，同佢分享美好的事……我欣賞佢對我既體貼和緊張，我試過一晩內食飯倒瀉茶，食糖水又整污糟自己，每一次睇住佢好緊張甘拎紙巾俾自己，衝去問職員拎清水俾我抹，真係既窩心又幸福……又記得暑假有一晚，佢收左工由西環返中環搵我食糖水，佢要等爸爸收工，我地去左麥當奴食雪糕，佢好怕俾爸爸知道佢拍拖，我地匆忙甘食住雪糕，雪糕溶左，我成手都係，佢立即就用紙巾幫我抹左……我真的呆了，我自己還未反應得來，這個女孩子竟然留意到，還替我抹了，她是多麼的留意和關心我……我真係好感動……怎麼我會遇上甘溫柔體貼既女生…… 這真是千世也修不來的福氣…… 後來，她的爸爸打來，她竟然講大話話自己係巴士，仲落早左一個站，我地好似偷情甘，又好似離家出走既小情侶甘，多麼的刺激……一個女仔為左見自己個少少時間，竟然做甘多野，我真係覺得呢個女仔會跟我一世，我真係好感動，好想保護佢，照顧佢……

記得第一次去西環接佢放工，係對面馬路見到剛收工既佢好緊張甘拎部手機出黎覆我message……一邊覆一邊過馬路，竟然睇唔到正站在佢前方既我……到佢走到我身邊，我撞了撞她，她驚訝地抬起頭望一望我，露出一張幸福的笑臉，她急急地拉左我去搭電車，在車上看住佢害羞又甜美既笑容，再加上那件粉紅間條小背心，我就似遇上了勾魂使者，三魂七魄都被勾走了……我心其實早被她吸引著……

她教細佬溫書，幫細佬縫衫，多麼的充滿母性，那一刻我就想如果有個甘好既老婆，甘就幸福死了……

上年九月佢入左CC，那時的她很有志氣甘同我講，佢要靠自己努力考返入U……我真係好欣賞佢呢份雄心壯志，我仲教佢要識多幾個同學，教佢收買人心，方便唔識可以有個人問……想不到因此第三者反而乘虛而入……

每次我幫佢解決問題，佢總是十萬個感激，她會知道我為佢做既事不是必然，她會感恩，説這是她的褔氣……其實能夠讓她幸福，看見她的笑臉，是我的福氣才對吧？

到今年三月，她生日前夕，那時候明明她已是別人的女友，我不知為何仍全心全意為佢準備生日，準備生日蛋糕，訂枱食放題，在天台紮營，餐具爉燭火機紙碟，全是特別準備，親自打點的，期望給她一個難忘既生日，在她屋企樓下切蛋糕，唱生日歌……真係甘大個仔第一次做甘多浪漫既事……我不知是哪來既勇氣讓我做甘多事……

這刻我發現我真的好愛她！
那個樂天，簡單，知足而有志氣既她，到底還在不在？