笑餐死∼

今朝６點幾起左身啦∼

起左身就嗱嗱淋搞掂d野出門口∼

出去搭車返學校啦wo~

返到伊利沙伯中學舊生會中學１c班既班房.....門口∼

鬼影都冇隻∼得兩個bag係門口度∼

返到黎見咁冇癮∼咪擺低野就去泳池囉∼

落樓梯果陣終於比我見到1c既人∼仲要打孖上∼

就係呀婆同呀....邊個啦（唔鬼記得啦）∼

咁我就同呀婆講∼你識做啦∼佢好似嗯左聲∼

真係以為佢會識做幫我擺野∼點知佢真係唔識做∼（雖然都預左）

咁跟住就急急腳咁去泳池啦wo~

去果陣又見到呀岑sir急急腳咁返學校啦wo~

幾驚佢見唔到我撞死我ga~（你地知啦~佢高過姚明~我...唉）

不過我同佢距離咁鬼遠∼如果咁都比佢撞到∼

實係佢妒嫉我矮過佢∼特登黎撞既姐∼

跟住行行下就見到紫紫同呀邊個一齊返學啦wo~

咁跟住又急急腳咁走啦∼

急下腳下就到左泳池啦wo∼

我一見到鄧斌個幾百年都唔會變既頭∼就即刻諗到d野∼

屎火囉∼唔記得左拎浮板呀！！！

跟住就將個袋掉比鄧斌...隔離個小肥∼行埋去搶走鄧斌個袋∼

又掉比小肥∼跟住就哎佢搭車返去拎浮板∼

跟住又急急腳咁走啦∼（不過今次有人陪我急急腳..仲要係個腳短到乜咁既T.P.）

去到輕鐵站∼上車果陣見到MISS WONG落車∼同佢講聲我地拎浮板∼

跟住返到學校∼校務處搵個乜水問下d浮板響邊樹∼

佢話係女更衣窒∼就去拎啦∼我地兩個''男仔''無奈地企係無女仔既女更衣窒...

出面等佢條友∼拎左一袋出黎∼跟住就去男更衣窒拎啦∼

到佢企係出面等∼兩個顏色鮮艷袋紅白藍巨型膠袋到左我地手∼

就嗱嗱淋返泳池啦∼諗住去搭車∼個人入到袋野都入唔到啦∼

就算袋野入到∼個人都入唔到啦∼ ..咁咪拎住兩個袋行返去囉∼

跟住我同個對腳短到乜咁既人又急急腳咁去泳池啦啵∼

行到泳池...門口啦終於∼水呀！！我要水呀！！！！

入到更衣窒∼T.P.嗱嗱淋除３∼除完先知袋３唔係自己度∼

咁我諗住出去哎呀SIR~著住校服∼面對更衣窒出面果D水∼

都係咪搞啦∼等陣搞左身透晒既水著出去∼咪比人睇蝕晒∼

雖然話遲早都比人睇∼但係都費事搞到自己咁鬼SEXY~

我係度面對驚果D水果陣∼呀SIR岩岩想拎３比我∼

咁就嗱嗱淋換３啦∼一去一回搞到入面果件３濕晒∼

可以揸出水咁濟∼除呀除呀∼著呀著呀∼搞左一大輪∼

終於出得去∼出到去發覺∼E...好似少緊d野咁wo~

又返返去拎浮板啦∼唉..年紀大∼記性差冇計∼至敝係未老先衰呀嘛∼

咁拎完之後終於落得水啦∼游游下∼爆無聊∼

我覺得無聊既時候∼呀伯游水換氣果陣∼把口mar到勁大∼

十足十盜墓迷城隻木乃伊咁∼笑到我叭水∼（becoz冇地比我趴唯有趴水啦）

跟住小肥又係咁∼佢mar大個口再加埋佢果兩個鼻'隆'~超超超超超頂唔順∼