之前見個個寫網上日記
於是我又學人寫埋一份
呢個 '之前' 都好耐之前下...
當一個人長大 比以前忙 自然想停低
回望以前嘅風景 原來呢一切一切係咁美好
可惜你永遠都唔可以返轉頭
踏入2014 唔經唔覺我已經18歲
有時候唔開心 有煩惱 都唔知同邊個講
(費事又比人話dumb dumb><)
可能Qooza會係一個好嘅聆聽者...
有時身邊嘅人就好似昔日嘅自己
係M記見到一家大細好開心咁食開心樂園餐
記得以前都好鐘意開心樂園餐嘅玩具
但宜家自己就一條友玩手機食$21餐
突然發覺自己再唔係小朋友
前排好鐘意追星 追到連自己都唔知為乜
係為咗支持佢? 追潮流? 定希望得到認同感?
連我自己到呢一刻都唔知道答案
為咗DSE同比屋企人信心 我冇追多過半年
估唔到時間過得咁快
起切我以為自己一定忍唔住 會偷偷去見佢
但其實係fb睇返啲相咪差唔多
好耐冇聽佢唱live 的確有啲掛住
今日係fb見到有個女仔話: 好䦕心呀 XX記得我個名喇~~..........
咦....果個咪以前嘅我..
原來同樣嘅生活不斷地上映
真係可笑
話說回來 仲有2日就考埋最後一科M1
好快我就可以生活 而唔係生存...
我就復活喇~~I'll be back!!!
|
