今日本身係放假，

但可憐嘅我就要一早起身番大陸整牙><

聽日朝早又要番學，

下就又要番教會...

本身諗住禮拜日可以好好瞓....

但睇番手冊，

先知原來禮拜一有一大堆測驗默書等緊我T.T

有中史測驗，中文同英文默書，

好似仲有d咩唔記得,,,

好多嘢煩啊!

前兩日屋企個熱水爐壞咗，

沖涼要煲一桶水黎沖，

於是就一邊沖一邊打冷震，

破咗一生以來係冬天最快沖完涼嘅記錄= =''

今日熱水爐終於都整好啦!

第一次感覺除咗瞓覺，

沖涼都係人生意義之一!

因為記得前兩日我啱啱跑完步，

一番到屋企想即刻沖涼，

但媽咪竟然笑住同我講，

熱水爐壞咗!!

話一係就唔好沖，一係就煲水沖....

結果就係浴室過咗兩分鐘後，

只見一個人影迅速跑去睡房，

攞被包住自己猛打冷震....

正是本人是也。

呢兩日令我冋細佬印象深刻...

依家先知自己係生活係一個幸福嘅地方....

可以沖涼，可以瞓覺...

一諗到有d人要用凍水沖涼，

要瞓街，

就覺得自己真係好幸福啊!

唔講啦，

要番去温暖嘅被窩瞓覺啦^^