今日真係慘....

下晝去寶琳打籃球，

諗住順便還埋書，

但係d書好重，

所以就決定騎單車去.....

結果練完籃球後，

已經7:00p.m

超累，

但係仲要跑番去圖書館個到，

因為單車鎖咗係個到= =

仲要載埋細佬....

就係因為咁出事!!

係最後個段尚德路出咗事...

上坡個陣我仲勁有信心，

因為之前個幾個都上到，

於是全力沖...

但結果由於手抦碰到條柱，

我同細佬就好華麗咁....(相信大家想像到)

哇...呢下華麗動作帶來嘅效果真係「勁」到叫人想流淚....

我關節部位同手全部流血，

好彩細路着衫多，

所以只係左膝蓋擦損，

但係我打波點會着咁多件，

結果真係痛到死，

本來想叫媽咪落黎接我，

但係一諗起小學4年級個件事(因單車縫3針)，

又驚媽咪擔心，

於是就帶傷拖埋單車番屋企T.T

途中勁希望遇到熟人，

雖然好nor，

但真係勁希望有人幫手，

但結果都係一個都遇唔到><

都唔知好彩定唔好彩...

一邊行一邊係到自言自語，

因為想分散自己注意力，

但係搞到自己好似青山出黎咁= =

不過一停低唔講嘢就勁痛T.T

最恐佈係沖涼個陣，

水一掂到傷口就會痛到發顛....

唉...

今次真係講真，

冇必要嘅話....

我死都唔掂個架單車..

聽日冇得打籃球T.T

後日又要番大陸過年...

唉....

禍不單行！！