經過琴日，

我知道咗真正跑完長跑後嘅感覺...

琴日跑慈善馬拉松，

跑咗19個400米後，

(本來想20個，但數少咗一個T.T)

我番到屋企先覺得自己好累，

一沖完涼，

連飯都唔食，

就瞓覺(8:00P.M)，

一瞓就瞓到今日5:00A.M，

我又洗頭，

洗完後都5:30到，

之後就做功課，

之前我一樣功課都未做過，

所以今日朝早趕得好辛苦，

結果番到學校又開展我刺激嘅趕功課過程，

幾乎每樣功課都係前一堂先做完，

你話激唔激啊....

而且今日朝早仲有體育堂，

有我最中意嘅籃球比賽，

但由於腳太酸，

完全唔想跑，

但估唔到我嘅隊員竟然冇人去防守，

熱愛籃球嘅我，

點可能睇住敵隊狂射波又唔理呢?!

結果我不得不跑曬全場T.T

雖然好玩，

但換來嘅代價卻係....

本來只係酸軟嘅腳變成咗酸痛!!!

尤其落樓梯個陣想死....

好有人魚公主嘅感覺，

不過我痛嘅係大脾...

最後個堂reader我完全頂唔順，

成個攤咗係枱到瞓，

結果比老師發現....

比佢叫名時，

全班望住，

個一刻真係好nor >///<

真係好痛苦...

睇黎聽日一定要預早時間出門，

如果係平時時間出門，

遲硬到!

唉....

一諗到行樓梯就想喊T.T

加油!!><'