呢排d時間亂哂，

琴日淑賢約出親近主team，

本來唔想出，

因為驚醒唔到，

同埋都想有充足嘅睡眠去打社籃，

但後尾諗到，

主一定會大大祝福同欣賞我為佢嘅付出，

所以最後都係出咗^^

但後果變咗得瞓咗4,5個鐘(約2:00a.m~6:00a.m)

唔係我唔想早瞓，

而係瞓唔着/__\

番到學校，

個腦暈暈地，

仲要參加朗誦比賽...

結果竟然拎咗冠軍= =

個下真係O咗...(因為我仲要係「姪」咗下- -)

跟住就到班歌班舞，

搞到遲放，

所以遲咗食飯，

又遲咗開波= =....

今日社籃真係好驚險，

我地綠社以多一分情況下贏咗紅社!

本來7:7，

所以要打加時賽，

但都係打和，

最後就每隊派3個出去射罰球，

我就係其中一個...

真係好大壓力，

臨出前好驚，

個手猛震，

然後茵同我講，

交比主，

同平時一樣咁射就得...

第一球，

紅社入咗，

搞到我壓力更大!!

到我射個陣，

我深刻feel到全場係幾咁靜...

直到射完兼入波個刻，

全場先傳出尖叫同掌聲，

我係即刻喊咗出黎(因為一放鬆就...)

第二球，

兩個社都射失咗...

最後一球，

紅社失咗，

跟住全場focus咗係綠社個姐姐身上...

佢個球真係戲劇性!

係籃框到鄧咗幾下...入咗!

嚇到我地啊...!

跟住我就唔知發生咩事，

因為個一刻我同茵攬埋一齊喊，

之後feel到有人同我地攬埋一齊，

又有人撞我個頭，

綠社所有人(女)都喊曬...

真係汗淚交雜嘅一刻!

依家諗起都仲好激動!

之後男仔都贏咗!

綠社穩攞全年總冠軍!!!

P.S:社長請飲嘢啊!!><

yeah!!!

綠社!