今日，

茵無啦啦打電話黎，

「分班表出咗，但我地之中，有人自己一班」...

佢一講呢句，

我就估到，

個果咁「好彩」嘅人....

會係我= =

抱着僥倖嘅心，

我去學校網開分班表黎睇....

只見我個名孤零零出現係2E個班...

個一刻真係百感交雜，

首先因自己估中咗而好開心，

同時因自己嘅「幸運」而感到不可思議...- -''

二分一嘅機會，

都可以唔中- -'''

再者，

個兩人都有良心，

一出分班表，

知道唔同我一班，

兩個都即刻打黎安慰我，

而且比聲仲要比我更難過，

張淑賢仲離譜= =

係Blog到打埋d好似遺言嘅文章...= =''''

洗唔洗啊....

隔一班啫- -'''

F.1天涯海角tim啦，

米又係咁過:D

唔洗擔心我啦~

而且咁嘅結果，

令我有少少期待新一年^^

下晝好早就落咗去打波，

隻腳終於好番!!

打得好開心，

係臨番屋企前，

同三個哥哥射key，

我竟然贏咗喎^^

雖然唔知佢地係米有心讓，

但都係好開心^^

....

不過，

依家兩隻腳都好攰....

右腳好似又有少少痛啦= =

唔好掛.../_\