今日係第二日正式上堂，

可能係仲未習慣早起，

上堂好眼瞓(頭兩堂係中文/__\)，

但由於我矮，

比老師調到最前個排，

想瞓又瞓唔到，

唯有逼自己專心抄筆記，

無論老師講嘅係有用嘅定廢話，

盡可能抄哂佢，

係我高度集中嘅情況下，

好快就過咗今日啦^^

我今日冇咩同人講嘢，

我附近嘅同學仲覺得我好認真，

之後都效發我呢種精神....

見到佢地當我係正面教材，

我就冇話比佢地聽真正嘅原因...^^"

放學後去咗綠社開會，

今年(女)社長都係運動型嘅，

可能因為籃球同長跑關係，

佢揀咗我做sports 'cap'....

開會要我地相討新嘅綠社口號&社飾物，

(有咩意見請留言^^)

之後又聽聞今年會恢復所有社際活動，

我一諗到社籃就好興奮!!^^

不過社籃前仲有社際長跑....

我都唔知媽媽比唔比我跑.../__\

2個圈...O.O

期待今年綠社嘅新人^^

唔知今年綠社可否keep住champion呢~?

一番到屋企就即刻同賢,芷君落去打波，

我發覺我地係笑到出汗= ='

好耐冇同過女仔打波，

同男仔打波係要贏咗先有滿足感，

而同女仔打波，

就係成個過程都好開心

但我竟然係快樂同時....

「吉」魚蛋....!

仲要係右手食指!!!(痛...)

腫咗少少，

但我相信聽日一定會瘀..../__\

之後就唔打籃球，

同咗佢地去公園玩捉....

成班人好似番到係小學時代= ='''

係咁係到尖叫....(唔知有冇嚇親小朋友)

唉....

襯依家隻手仲寫到字，

快d做咗份功課先...

第一堂BIO就比功課(我最尊崇的生物家400字)，

仲要係今日比聽日見!!

哇..../___\

洗唔洗啊....