唉...

今年最後一年丙組，

點知衰咗.....

如果拎埋銅牌米好lo....

我果然唔啱玩短跑，

如果唔係200米，

我可能會實現金銀銅嘅夢想....

當跑第4名個一刻，

個心碎咗T.T

銅牌就冇咗

就係差銅啫......

咁都唔比埋我...

搞到遺憾收場……

有陰影啊...

以後都係玩番長跑好啦....

講到琴日，

上就跑完400米，

下就就跑200米，

跑完200米仲要即刻召集四社4X400米接力，

擺命lo!!

then，我就暈暈地啦，

我d隊友(茵,兩個F.1)叫我唔好跑啦，

話驚我一間真係暈，

社長佢地都話唔跑都唔緊要，

安全重要。

但係聽到佢地咁講，

我就更加冇可能放棄啦!

見到佢地對我咁好，

搞到我好感動，

誓死都跑埋落去啊!

跟住佢地臨跑前都叫我唔好ga硬，

唔舒服要講，

見到我行路好似有d唔穩，

就想拖我去red cross到，

仲話要棄權?!

我死都唔製，

最後一年丙組，

唔想累大家，

佢地唔夠我講，

最後比我參賽。

我係最後一棒，

所以睇住佢地跑先，

見到佢地咁落力，

跟住仲要見到陳茵第一次咁盡力跑，

跑到成面都白哂，(佢平時唔會盡力)

搞到我覺得自己更加唔可以輸，

由於佢地嘅努力，

所以綠社已經贏咗其他社好多，

跟住當我接到F.1遞比我嘅棒個陣，

佢地仲係隔離幫我加油，

雖然我知我冇壓力咁跑，

因為班隊友已經幫我同其他社拉完咗距離，

但係我都叫自己唔好輕鬆，

因為我真係好驚自己會因為放鬆而跑到好慢，

跟住諗住佢地為我做嘅嘢，

好神奇咁，

跑個陣一d都唔暈，

而且仲要係爆哂咁跑，

最後我跑到終點個陣，

陳茵佢地開心到叫咗起身，

但係我真係好暈，

體貼嘅陳茵即刻扶住我，

個兩個F.1係咁問我有冇事，

搞到我真係感動到想喊，

後尾我聽社長佢地講，

我地贏其他社差唔多300米!!

開心死我啦!

我冇累到綠社啊!!