今日係第一日接觸2E班!

琴日興奮到瞓唔到，

搞到依家好眼瞓....

今日分配咗班的職位，

係各位同學自相殘殺嘅情況下

(你提名我做d唔想做嘅職位，我都提名你，要死一齊)，

終於分配完....

淑賢做咗班長，陳茵做咗主席

(陳茵係自作自受，無啦啦提名黃海峰，黃海峰米提番佢lo，

結果陳茵做咗主席，黃海峰做咗副主席...= ='')

我都無端端比以前嘅同班同學陷害，

搞到我做咗文書...

我視藝都唔得...

唔知做唔做到呢個位呢...

仲要得我一個文書，

中一唔係有兩個咩?

唉，

算啦!係你地簡我...

咁我盡咗力又做唔好就唔係我嘅錯啦!

第一日老師就已經要文書做嘢啦!T.T

今日就要幫佢抄一份工作名單，

同交表格比兩個老師....

仲要我番去畫一個座位表同埋要整籤紙...

聽日帶去比佢分座位喎...

唉，唯有認命啦

好~!聽日要繼續努力加油啊!