今日一朝早就去咗賣旗，

8:00先到寶琳，

到到都有人賣，

我同partner就決定轉地方，

去坑口(佢樓下)賣...

真係遇到好多事= =

例如:

~~~~~

我鼓起勇氣向一個行路豪邁，

個樣有d似黑社會嘅女人賣旗，

點知佢真係賣喎，

唔知係太冷or有d驚佢，

我幫佢'痴'貼紙個陣，

個手好僵，

所以唔係痴得好大力，

痴完後立即同佢say88，

好奇心下，

我轉身睇下佢，

但我見到一張貼紙係空中飄揚，

我心諗:唔通係佢個張?

之後，佢嘅動作話比我知，

我估中咗>u<

佢本身係灑脫咁離開，

行到冇幾遠，

就低頭睇下我岩先幫佢痴嘅個張貼紙，

但佢左望望右望望(個動作重覆得好好笑><)，

之後唔知點解要望埋個天....

個陣我諗:要唔要追前比多張佢呢?

不過最係冇咁做XD

~~~~~

之後又有一個阿伯，

同我地買咗張，

話:「依家咁凍，仲係到賣旗?要唔要同我上去飲茶啊?」

我同個Partner即刻話唔洗，

佢走咗之後，

我地兩個係到對望o嘴...

佢總共問咗我地兩次O.O

唔知係真係好人or...

~~~~~

仲有一個令我好深刻嘅細路，

佢大概4,5歲，

佢問我partner拎貼紙，

我partner叫佢問父母拎錢買張(佢話佢父母係酒樓)，

之後佢真係買咗張，

但佢又叫我地比多張佢，

因為佢要比婆婆，

我地米比多張佢囉...

但冇幾耐，

佢又問我地拎多張，

我地見佢心口仲有兩張，

就知佢講大話，

所以就唔比佢啦...

我地繼續賣啦...

點知佢竟然向d人講我地係騙子O.O

好多人都聽到，

個個都用質疑眼光望住我地，

同我地買緊嘅人仲問:「唔會掛?」

我真係完全無奈，哭笑不得，

都唔知話個細路聰明定狡猾，

但由於太多人嘅目光令我覺得唔舒服，

同埋都好攰(個陣已經11:00)，

所以就決定去番寶琳交還旗袋，

點知個細路仲要係我地走時大叫:

「再見啦!兩位騙子姐姐」.....

更加多人望住我地...

個下我真係.....!@~@!

~~~

不過，

總括而言，

今日都過得幾難忘&充實XD