琴日慶祝生日到今朝1:00先瞓，
朝早又要6:00起身作文(星期六英文班)，
搞到今日好眼瞓....
今日番教會嘅時候着咗茵,淑整嘅衫，
同埋佢地整嘅袋，
狂曬幸福^^
真係永遠唔會忘記琴日嘅生日，
完全估唔到佢地有個咁嘅計畫^^
琴日午息個陣，
佢地比咗兩份用報紙包住嘅禮物同一封信比我，
仲叫我一定要番屋企先比拆，
我個陣好期待佢地嘅禮物，
因為佢地上年話會比我一個驚喜嘅生日，
番到屋企，
我忍住好奇，
聽佢地指示拆咗封信先....
當我見到封信寫到:
「今次嘅B-禮物都算係一個surprise嘅B-D呢!
你依家一定好angry，失望瓜...要罵嘅就罵淑賢啦!」
我開始有d不祥嘅感覺，
我一邊係到激動咁尖叫同我阿媽講:
佢地一定係比咗垃圾比我! 信唔信裏面冇禮物!!?
一邊用極快動作拆個兩份「禮物」，
不出我所料，
裏面真係咩都冇 (除咗兩張宣傳單- -')，
跟住我就好失望，
失望到有少少想喊，
我阿媽就話:
佢地唔會咁嘅，聽日一定會補送比你。
但我個陣就覺得唔會，
因為佢地講過會比驚喜我(雖然冇喜...)，
但當情緒隱定d時，
又發覺有d唔妥，
因為如果佢地唔買禮物，
咁張生日卡都應該比d心機畫啊，
但張生日卡d字係勁潦，
而且仲比我知道佢地係午息寫，
於是又覺得佢地係比叧一個驚喜比我，
心情又開心番，
突然淑賢打黎，
我就扮曬嘢咁罵佢:
你地好嘢啊!明知我書包重仲塞兩舊垃圾比我!
傾咗陣，
佢就話要去廁所，
之後冇幾耐，
茵打比我，
要知道佢係勁少主動打比人囉，
所以我更加覺得佢地有嘢，
佢話拎咗我本英文書，
要即刻落去同佢交換番，
佢咁講我就更加開心，
臨出門前我仲專燈打比淑賢，
結果換黎一個好滿意嘅答覆:
淑賢出咗街XD
當我興高彩烈咁沖落樓，
我本來諗住會係佢地兩個笑住咁拎住份真正嘅「禮物」，
企係到等我，
點知，
真係得茵拎住本英文書企係到，
個陣我嘅心情再次跌落谷底，
但係當茵又拖住我住公園個邊走，
話見到個熟人帶住女朋友約會，
一齊去睇下時，
我即刻笑住咁望住佢對眼，
佢果然係望緊個天，
個樣唔係好自然，
我就肯定茵帶緊我去揾淑賢，
緊住去到某個角落，
淑賢唱住首「終極三國」裏嘅生日歌，
拎住一個雜果蛋糕出黎，
唱完後，
佢地就拎出佢地係考試個陣已經開始預備嘅禮物比我，
呢兩份禮物真係極感動我，(茵嘅blog有得睇)
佢地真係落咗勁多心機落份禮物到，
個果禮拜佢地要個家政嘅縫針功課，
又要考試，
忙到想死，
但係都專燈抽時間整我份禮物.....
對你地嘅感情真係一言難盡....
我只可以話，
識到你地兩個，
我真係好幸福^^
多謝你地!!
(打到手軟...有好多細節省略咗xp)
為咗參加一個弟兄嘅婚禮，
聽日要同茵淑買裙^^
第一次同佢地行街，
好期待...
唉...
琴日教會又請食蛋糕，
茵淑又請食蛋糕，
屋企又要食蛋糕，
今日朝早又係食蛋糕做早餐，
搞到個肚有少少濟....
又要打番一個禮拜波減番啦....
|
