今日真係好開心呀！！
我個非常古板既呀媽竟然俾我去施俊亨個生日會喎！
平時既佢係唔會俾人咁鬼死夜出去架！
就算連夜啲番都會俾佢打餐死架．．．
因為施亨個先日會係喺夜晚７點至１０點鐘舉行。
我都唔知佢今日係咪傻呀，
佢竟然仲話要親自去接我喎．．．
平時佢係唔做呢啲事架，
今日竟然會咁好死去接我？！
（好驚呀！！！佢唔係做左啲對唔住我既野呀嘛？）



１：２５分．．．

Ｗｙｌｉｅ同我岩岩傾完電話，
佢問我可唔可以２：００鐘去到佢嗰面陪佢睇書，
咁我梗係奉陪架啦！
之後過左幾分鐘，
我已經行緊去撘車啦！

到左之後就即刻衝過去恆生銀行嗰面搵Ｗｙｌｉｅ，
點知佢仲未到喎．．．
都唔知係我早到定佢遲到，
跟住佢黎左，
我地就去書局揀禮物俾施亨做佢個生日禮物，
我地都係買左同一隻公仔既野，
因為之前見佢本記念冊係呢隻公仔，
所以咪買囉。
買完之後我地就去左雁景其中一間酒樓搵淑婷，
Ｗｙｌｉｅ話淑婷有啲野要俾佢喎！
俾完之後，
我地就去番頭先買禮物嗰間書局度睇書，
因為我有本書未睇完，
只係睇到２０２頁，
所以想睇埋佢，
睇睇下隻腳開始有啲累，
因為我地一直係企喺度睇架！
嗰度都冇凳坐既．．．
唉∼我睇到第６８頁已經頂唔順啦！
隻腳太累，又悶喎！
就上左Ｗｙｌｉｅ屋企，
ｏｎ左我地個既ＭＳＮ之後就開歌聽，
之後就冇野做，
但係唔知點解咁快就過左３粒鐘，
呀Ｍａｙ約左我地喺恆生等，
我地落到Ｗｙｌｉｅ屋企樓下嗰陣，
佢先發覺自己唔記得將要送俾施亨嗰份禮物帶落黎，
咁我就去左搵呀Ｍａｙ先，
Ｗｙｌｉｅ就自己上去拎番份禮物。
我同呀Ｍａｙ會合左之後，
大約等左６分鐘度先見到Ｗｙｌｉｅ，
咁耐架．．．
之後我地就等埋賴力（賴翊瑋）啦，
原來呀Ｍａｙ都唔記得左買禮物，
之後我地就去番頭先我同Ｗｙｌｉｅ買禮嗰間書局買禮物，
買完就去左撘地鐵。
去到之後，
我發現我地早左成１５分鐘，
佢叫我地喺６：００喺將軍澳地鐵站Ａ出口度等。
咁我就打俾施亨話佢知我地早黎左，
之後佢就落黎搵我地，
佢仲帶埋何漢諾同馮朗賢黎，
跟住我，Ｍａｙ，Ｗｙｌｉｅ就坐左喺地鐵站出面條樓梯個扶手上面等，
嗰班白痴（施亨，賴力，馮朗賢同何漢諾就喺度跑黎跑去，
跑黎做乜鬼啫，正白痴．．．
之後就走左去廣場入面播搵埋何潤華佢地啦，
跟住就去左施亨舉行生日Ｐｒａｔｙ嗰個場地，
嗰度係一個燒烤場黎架，
喺佢會所既出面，
之後見仲有時間，
就入番去會所有面玩啤牌，
玩左幾番就上左去燒野食啦，
我都唔係食左好多野，
但已經好飽啦，
我只係食左２係香腸，
２隻我既同類（Chicken wing，啲人有時會咁叫我)，
之後飲左5杯野，
1杯Cream
4杯橙汁，
跟住我地成班人就喺度玩Killer(靜態，因為岩岩食飽唔玩得動態住)，
玩左一陣Killer，就落左去兒童樂園入面，
佢地竟然話想入去玩神左鬼沒(Killer動態版)喎！
佢地都傻既，
兒童樂園出面明明寫住10以下先可以入既，
但係佢地個個都衝曬入去，
咁我都冇辨法啦，
唯有入埋去啦。
最後因為兒童樂園入面太多人，
所以去番燒烤場旁邊玩，
我記得我有一次抽中左我同Wylie一齊做警察，
曾子同施亨做殺手，
我竟然一個人捉曬炯地兩個呀！！
好開心呀........！
之後佢地就話去打籃球，
我地（我，Ｗｙｌｉｅ，Ｍａｙ）就跟埋佢地一齊去啦，
點知佢地行得太快我地唔知佢地去左邊，
之後仲左行左好多寃枉路先搵到佢地呀！
過左一陣，
我呀媽打黎話佢已經喺藍田地鐵站，
叫我去將軍澳地鐵站等佢，
之後見到佢（我呀媽）黎，
我地（我，Ｍａｙ，Ｗｙｌｉｅ）就入左閘，
一齊去藍田地鐵站，
我同呀Ｍａｙ同我呀媽就行左去撘７１Ｂ（小巴）番屋企。



今日真係好開心呀！！
太好玩啦，
我都係等一次咁夜番屋企啦！
雖然我試過連續２晚唔番屋企４次以上，
不過嗰啲都係去露營，宿營嗰啲！
今日真係好開心呀！！