真係唔明點解莫莫會鐘意BL，漫畫還可以理解，漫畫既男仔都畫得好型，兩個男仔KISS都會係一個幾賞心悅目既畫面，但佢點會受得住真人？真人同漫畫係南轅北轍架﹗真人咁噁心，點忍受到呀？完全唔明呀﹗

夜晚，去左好玩果網玩小遊戲，其中一個小遊戲我阿哥話想試下，冇所謂，玩一局豪比你﹗佢玩緊果陣走左去睇電視，過左大約三四個字度，我過返去，佢竟然玩緊其他野，我問佢玩完未，佢話玩埋呢個先，好﹗我忍你﹗每隔一個字我問佢玩宛未，問左兩三次之後，佢竟然鬧返我轉頭，話我麻鬼煩，嬲到我超想鬧佢，大佬呀﹗我仲用緊架﹗我比你玩一局係人情，唔比你玩係道理，有咩理由鬧返我轉頭呀﹗神經病﹗

 病左冇返學，睇醫生時本來話比埋聽日既假我，但聽日去果個航空展，打死都要返，所以剩係叫醫生開一日病假就可以。有少少期待明天的航空展呀﹗

 午膳時冇去到玩飛行棋，要去聽中三領袖訓練營ｄ野，搞到我冇得去玩，又少左一個印，我仲要幫尹尹做的！本來都有少少興趣去，但佢ｄ活動多數都係假期搞，假期當然要係居企好好休息，點可以周圍去咁辛苦架！結果都係決定唔去，自己都保證唔到每次搞既活動，一定會去，咁參加梨做咩呀？

 本來今日約左MAN MAN，但我遲到，本來由我居企去到市中心只需要一至兩個字就可以去到，但今日竟然用成八個字先去到，去到之後都唔見左MAN MAN，搵左一陣都唔見佢，諗住可能我遲到太耐，所以佢走左，真係好對唔住呀！成日個心都好唔舒服，都唔知用咩形容詞先好，唔知係因為今日遲到，定還是係因為其他事，唉！

 今天是我第一日星期日做IT.PERFECT，平時都係星期五，Ｄ人真係超可惡，成日自己挑選位坐，完成當我地無到，星期五梨借電腦既都超乖，唔會咁做，嬲死我呀﹗LUNCH完左，叫人去關電腦二室既門，來應門係陳生，之後我順便問佢點解唔見左李生(當然我有搵藉口喇)，佢同我講李生已經冇再係呢度做，走左，而家新梨果個就係為左代替佢。之後話返比MAYCEE姐知，佢不停話我一定好傷心，又話我係度自欺欺人，咁我真係冇傷心，只係有少少唔開心，但都只係好少好少，絕對冇佢講得咁嚴重LO﹗