今日２點鐘要出到去練習喇！練左好耐，隻舞又有改動喇！改完之後易左好多。練到６點幾，之後又要拎埋制服喎。我又約左ｄ家人去婆婆度食飯仔，所以好趕。

　　第一次自己一個人搭地鐵，唔識行去太子地鐵站，咁o岩見到一個紫荊既，問下佢，原來個地鐵站就o係我面前=.="。之後人追車我又追車，點知搭錯左，落左一個站去旺角，即刻落車搭番去調景領，之後再轉車去寶琳。去到酒樓之前，阿姨出左去搵我，佢行左邊，我行右邊，咁o岩就咁樣見唔到佢喇！

　　之後食完飯去左打桌球同埋做GYM，跟住同左七姨去行街街，我地去左CRAZY ROOM，佢送左個袋比我，好靚呀！好開心呀！！