話說從前有個人

佢做人真係做得好失敗

話說佢從前有一個好幸福的家

點知唔知點解,係佢小二果陣個家散咗,呀爸走咗,有時D同學問佢呀爸係邊,佢都唔知點答好

從此之後,佢就同佢果兩個好唔生性既家姐細妹,仲有呀媽相依為命

好衰唔衰,佢個妹係過渡活躍,呀婆又老人痴呆,加上呀爸又係因為有第二個所以走咗,所以呀媽被激得有癌症同抑鬱症,但係個家姐咩都唔理

所以果個好失敗既人就要讀好D書,等第時爭多D錢,幫輕下頭家

但係因為果個人年紀仲係好細,未做得野住

家姐又讀緊書,呀媽又有病做唔到野,屋企既收入同開支不成比例,所以係佢小二果陣屋企就係以攞綜緩黎生活

所以每次開學要填果份咩綜緩通告,佢就會好驚,好驚比人知,因為唔知D同學會點睇佢

不過呢排,佢終於唔駛再驚啦,因為佢家姐大學畢業啦,搵到野做,唔駛再攞綜緩

不過一個更煩既問題出咗黎:家姐份涼淨係夠佢一個人用,根本就冇可能夠全家用,點算

所以宜家果個好失敗既人既呀媽就要開始出去搵野做

不過佢咁既年紀,咩都唔識,又有病,所以冇人請

跟住佢屋企就好唔掂,果個好失敗既人亦因為咁樣生性咗

佢冇再亂洗錢,佢冇再亂買野,佢冇再出去食lunch,因為佢有一日出去同呀媽買送既時候,發覺原來佢既兩包撈面=一餐送

從此之後,佢生性咗好多,不過佢屋企既問題仍然係未解決.....

又話說果個好失敗既人

小學既時候成績唔係幾好

之後佢好努力好努力咁,終於係佢小六既時候拎到第一個第一名

跟住上到中一二都ok,不過中三就退咗好多好多

唔知係因為D咩,佢開始冇心機讀書

佢望住D同學咁勤力,佢就好自悲

佢好想溫,但係佢總係專心唔到

搞到成日比呀媽鬧,激到呀媽好嬲

佢成日都好夜瞓,冇2,3點都唔瞓

考試測驗果陣仲唔瞓,搞到呀媽同咗老師講,比老師話

又搞到自己成日都唔舒服,好容易就會胃痛,所以佢成日覺得自己就黎死

又話說果個好失敗既人

佢有幾個好朋友

但係又因為佢既刁蠻任性,搞到D朋友有時會好憎佢

不過佢好好彩,佢D朋友每次到最後都會原諒佢

所以佢應承過自己,佢唔會再咁亂發脾氣

話說果個好失敗既人

佢小四同中一都有鍾意既人

咁岩得岩喬,果兩個人都鍾意佢

果兩個人都曾經問過佢係咪鍾意佢地

但係佢口不對心話[唔係]

所以最後佢兩個都失去