我記得我細細個既時候

覺得如果入到精英班係一件好犀利既事

但係唔知由幾時開始

漸漸好唔鍾意入精英班

唔係因為精英班好多功課做,或者係好多測驗

而係因為[所謂既精英班]原來一直好令人討厭,好睇唔順眼

如果唔係最近我聽到有一個一直都同我幾fd既同學(唔係精英班)話唔鍾意我地e班d人,我都唔知

原來一直我地班俾其他班既同學既感覺就係[[好寸,好睇唔起人,個個都淨係識得讀書,憨憨居居咁]]

但其實我地同abcd班既同學唔係應該一樣架咩?

我地一樣係13,14歲

一樣係鍾意玩

一樣係唔鍾意讀書

只不過係我地既成績上有少少分別

點解就覺得我地寸,覺得我地睇唔起你地呢?

其實我地都冇咁諗過

點解同一form既都要有一層隔膜,唔瞅唔睬呢?

我唔鍾意咁樣

我覺得既然我地都係同一form既,點解唔可以好好咁和平相處,好似同一班咁

如果可以既話,我寧願唔好分咩精英班,咩普通班

分黎都唔知有咩用

都唔知係邊個一開始話要分

搞到好似將D同學標籤晒咁

同時亦少咗好多朋友

再係咁會好辛苦

明明見到面,又係識既

但又諗起你地原來係咁唔鍾意我地

就會好尷尬,唔知hi唔hi好

有時候簡直唔好意思到想即刻搵個洞[捐]

我唔想咁樣繼續落去,但又可以點?