琴日過咗一個好特別既聖誕節~

好多謝囧幫我地搞今次既活動呀~

我地一行16,17(!?)人去咗荃灣

係冒險樂園hea咗陣

就上去食韓燒啦

第一次去,好多野食架果度

自己bbq果D我諗多數都唔熟架啦- -

應該冇事...掛..有事咪一齊去睇醫生lo~dicky話既

多謝jerman你地幫我燒呀~

黃德基佢好型呀,尤其係fing頭髮果下,笑死我地XDD

不過好貴呀,每人要$152呀(邊個提議黎呢度食架)

同好多人影咗好多相^^,好多人偷影- -

跟住去咗尖沙咀海旁睇燈飾,好凍呀~~

不過其實都冇點睇到,因為到咗搵齊人都已經要走lu~

陳志成好慘呀,成晚比我地拋棄咗係starbucks...好對唔住呀~~

囧唔好唔開心啦,我地成班都好關心你架~你唔係自己一個人架~

但係其實都幾開心,雖然冇睇到,但係成班人一齊跑黎跑去搵人都幾好玩^^

11點幾媽咪突然急call我返屋企,因為我應承咗佢12點前要返到

跟住好衝忙咁影咗幾張大合照就走lu~

好多謝因又,章偉樂,同陳志成3位猛男(!?)送我返屋企,真係好多謝啊~

琴晚真係好凍,好靜,好大風喔~多謝因又係我前面幫我擋著D風呀~好感動啊~

好彩媽咪冇鎖到門唔比我入咋~返到屋企都已經1點啦,佢瞓咗,冇鬧我^^

琴日過得好開心,過咗一個好難忘既聖誕啊~