唔........今日有好多功課做呀........

唔想做呀......上堂果陣.....又聽唔明個數學老師講咩.......

唉.....食lunch果陣時.....個老師話紅色暴雨同埋三號風球.

仲諗住可以走添.....唉......

個老師話叫我地早d過去食喎...仲話只可以去同面購體育館度食....

又要溫書啦......唔打咁多啦.......

我仲未洗碗呀......又想睇電視....

唉.......慘呀..........

"好掛住"~"好掛住" .....小學既生活呀........

唉左三次.....即係唔好啦.....唔想再返學喇.......

:聽日上"呃錢"堂呀..唔知會點呢.....?

今日返完學之後.....我個fd叫我一齊去操埸....度打排球.....

我地係度打左好耐......後黎....

果d排球組既人.....教我地打波.......不過佢地隻手反得好緊要呀......

都唔知岩唔岩.......?

不過都幾好玩.......d人打得好勁呀..我都要加油至得......

至於聽日呢.....唉.......

我俾人拎左本手冊....都唔知聽上咩堂......?慘呀......

:聽日....都係咁啦.......

呢幾日既天氣好冷呀..........記住著多d衫呀.....

唔...我今日...返學囉.....其他都冇野做.......

不過放學個陣.....我就留左係學校度幫手.....

但係好快就走得喇.......啊! 仲有...我仲可以打波添呀......

我仲識到好多其他學校排球隊既人......不過.....好多都係之前未見過...

唔知點解..?

:聽日...返學喇....唔冇喇.......

      話時話呀..我好似仲未做駛功課喎...

      咁唔打住喇.聽日先打喇....88

..雖然今日都係要操.....但係冇上個禮拜得咁辛苦...所以好happy........

可能係因為今日既天氣好好...又有風....而且又唔係操足兩個鍾....

我地有成30分鐘到.....係坐係度....聽啊sir講關於童軍果d章.....

佢仲教左我地誓詞同埋規律.......仲叫我地係下個禮拜讀俾佢聽...

讀唔到既話...就冇得去迪士尼喎...(因為我下個禮拜有得去迪士尼)

我諗佢係講笑掛........希望係........

返完童軍之後..我返左屋企換衫....再出去元朗行街.....

唔....我出到去...就即刻走去食野....我地叫左個二人套餐食......食到好飽呀.........

唔.....食完之後.....就諗住去買.......Art既野......點之.......

我地又唔識路....行左好耐.....都唔知間鋪係邊......

唉........."皇天不負有心人".....終於都俾我find到喇......

不過d野就好貴喇....我聽人講.都係買左170蚊到.......我就買左成200蚊有多.....都唔知點解.....?

:聽日記要返學啦...好唔捨得放假既日子呀.....

     因為我好懶呀....^^

本來今日番去係啦啦隊既練習.....點知番到佢先知唔駛.........

不過我地社個社長係度做緊埸地佈置...咁佢叫我地幫佢手做......

我地仲可以打排球添呀........不過....唔知係咪好耐冇打...所以打得唔係幾好.........

我地要幫手剪紙皮...d紙皮又硬天厚....搞到隻手鬼死咁疼.....

我地一路整.......整做好耐.....食左lunch之後.....又再整......

我地想走個陣.....點知落好大雨..........個姐姐叫我地上課室拎傘...

但係我地又唔夠膽拎.....不過最後都係拎左.......

我地三個人一把傘.....所以搞到成個身都濕哂.......

我地用完把傘....個個都唔肯拎把傘走....有個人話用完就唔要.....

但係把傘又唔係我地既...唉....我都唔知點好......?!

最後把傘俾果個人拎走左.......都唔知佢將把傘搞成點...??

(因為頭先hand機....所以短左好多.....sor)

: 聽日番童軍....又要操喇.....慘呀.....

       希望冇上次咁慘啦.....要罰....唉.......