今日係年初一，

係拜年個陣收左好多利是。

拜完年，

返到屋企都已經11點幾。

臨訓前，

我將D利是收好，

係我極大嘅好奇心下，

我開晒D利是，

睇下今日有幾多錢~

開左公公個封，

數目同往年一樣，

冇變。

Daddy同媽o米將佢地個封俾埋我同妹妹，

係我見到尼D利是封個陣，

唔知點解，

眼淚一滴一滴係我面上流左落'泥'!

我好驚，

好驚，

好驚會失去。

唔好誤會，

我唔係驚會失去D錢，

而係驚失去係尼14年'泥'，

一直都睇我大嘅公公、婆婆。

佢地由細睇到我大，

由我由一個月大開始，

佢地就日日睇住我，

睇到我要讀中學，

睇到我要番到真正同Daddy、媽o米住嘅家。

我記得頭頭個幾日，

婆婆好擔心、掛住我，

成日都係間房度偷偷地咁喊，

喊到眼都紅晒，

成晚冇覺好訓，

而公公都病左。

我好恨自己，

恨自己搞到佢地咁擔心，

恨自己個陣時仲成日同Daddy、媽o米鬧交~

(寫到尼到，已經唔知喊左幾多包紙巾)

真係好驚，

驚有一日佢地會離我而去，

就好似'北極星的眼淚'其中一句~

"我的眼終於失去 你的臉"

我明白人總要面對現實，

但係尼個現實.......

太可怕。

我知道係佢地離開我嘅個一日，

我一定會 ~

"整個宇宙都 流眼淚"

眼淚會有

"北極星的眼淚 說不出的想念"

最後我只能講：

"北極星的眼淚 你哭紅的雙眼"，

為我帶來前所未有的傷痛，

"北極星的眼淚 說不出的想念"

為我判下死刑~