有些回憶、有一些人，只能留於心底繼續惦念，隻字絕不提起。

有些事情，其實已經淡忘。

偶爾重現，只是記憶不知不覺溶入了生活，而身體漸漸習慣了這些習慣。

你會習慣喝熱朱古力要加一杯花奶，卻忘記這是誰的嗜好。

你會習慣經過麵包店買一個朱古力丹麥酥，卻忘記這是誰的口味。

你會習慣每日帶著一枝鮮綠茶，卻忘記這是誰的喜好。

你會習慣長笛是自己的音樂娛樂，卻忘記這是誰的興趣。

你會習慣翻開放在桌面上的報紙細閱，卻忘記這是誰的習慣。

小確幸，

你還是會每天以腸仔包作早餐。

你還是會期待朱古力卷減價。

你還是會選擇蜜糖菊花茶。

你還是會努力存錢買電子琴。

你還是會綁一邊的小辮子。

你還是會只戴一隻耳環。

你還是會戴著手鐲。

你還是會坐在最後排的角落。

你還是會堅持著打日記。

無論怎樣改變，請記得原本真正屬於自己的自己。

---25.11.2013

近呢兩個月突然係到諗，如果我以後都聽唔到野，音波太大會耳仔痛到頭都痛埋

我以後冇得去唱K..聽唔到大家唱歌0口0又冇得聽收音機又冇得聽歌又聽唔到電話

我係咪會頂唔順走左去死XD講下姐

明明今日晨早起身，點知聽聽下電台又訓返-_-

對了，今日上堂突然講起返工又講起志願講起夢想

然後我地發現左一個共通點

係打第一份工之前，真係咩工都唔想做，想第一份工係自己鐘意的，值得回味的

於是就拖拖拖拖拖拖到2046都唔肯返第一份工

但係當真正第一次做野，以後有D咩工，都會有種好搞笑的心態就係咩工都想做下

呢D係咩心理(?)

雖然我已經決定左唔返去做上年做個份...哈哈哈

仲有！今日終於可以準時趕到回家0v0

哎呀(!)突然好掛住大家

好想唔理而家D野，然後係咁約返好耐冇見的舊朋友逐個逐個見下面

吃個飯，聊個天，發個瘋，痴個線，做咩都好啦~想下先

哎呀(!)突然好掛住以前的自己……

------------------------------------------------------------------------------------------------------------------------------------

有時候想一個人哭，有時候又一個人笑。