新一年一開始,希望今年會有轉變啦~

入左3A班,壓力都相當大

第一日超好彩,同到我最想的朋友一班(不過差=6),仲要係A班~

有呀邊個邊個啦~有子蔡啦~有爆爆啦~有君君啦~(又玩疊字)

校長講野講到我差小小訓鬼着,好彩間唔中有爆爆講下笑~醒神曬~

第一日放學就同爆爆同去搵補習~行左3個鐘~攰死~

前一日我又無訓(驚到訓唔到)---攰死

第2日開始黑仔....同BCY坐...不過其實冇咩野啫佢,有時煩D咁,無啦啦攞我D野出老師枱咁...- -

排隊又企佢後面...黑到我...算啦.我份人都冇咩所謂~

我個位熱到你呀...我自己本身都已經勁怕熱家啦,個個位,風扇----冇,冷氣---冇

坐係到上堂會出汁汗囉咩事...= =

第2日就比人抽中我答問題- -勁黑- -

前3個都唔識答...問假說係咩>鬼知咩

不過我有得坐.好好彩,答到一半~(不過我都唔知自己講左咩- -)

第3日,又比人叫中- -又答問題- -今次中史- -我最屎的~

問漢朝之後係咩...鬼知咩...問到幾個咁啦,好彩之前睇過2眼~

話說我唔識讀個隋<<字~依家識啦~要多謝月餅~

死人吳誌剛全班咁多個你唔叫,係都要叫14!1414實死實死,今年都唔會有好野囉...

個班主任...勁多廢話- -聽到我想訓- -d呀sir把聲好似有催眠作用咁...聽唔到書...成績一定唔會好~

我覺得phy,chem,bio都好正~真係學到野~

不過phy的老師都ok惡- -仲要教埋我地數學...都唔知點死好- -

中史個miss好鬼搞笑,D動作勁誇張囉咩事- -笑死人

咁樣上中史希望可以吸引到我留心上堂啦~

中史D人物名好鬼多,雖然唔洗記年份住,但個皇太極已經可以殺死我~

3A真係好鬼多功課,300字自我介紹- -又係呢d野- -

英文又有功課- -好恐怖- -上年都冇咁多功課

今天A班比上年的靜得多(可能未熟啦)

不過我幾中意依家咁樣的學習環境,幾舒服~

我眼見個個都係勁人,個個都有自己特別叻的科目,今年真係要加倍努力嚕~

第4日,ok好彩,世史堂- -我有答到問題,不過應該得個個老師知

佢問WW1係幾時去到幾時,佢望住我,咁我咪細細聲講,相信佢係睇到我個口形~

1914-1918暑假個時我無聊到記左~答到問題又唔洗企係到~好開心~

PE堂,爆開心囉~高左又瘦左~不過我諗學校都唔會準,我點會似有164~呵呵,逗我開心的pe堂~

瘦左0.5kg,開心死~

化學個老師一入黎就曬自己D學位- -勁羨慕^^

我覺得咁多科最難應該都係化學家啦,又要計數,又要記科學名稱,又要畫圖,死緊

地理有miss 黃教,超開心,點都好過郭sir~呵呵

佢一入黎就講英文,我呆左.英文我聽唔明家- -

無啦啦分咩組- -要同kaka^^同足球一組- -不過有爆爆陪~足夠了^^

坐肥昆個位囉咩事- -佢叫我唔好坐爆佢張椅子@@笑死我

(係都佢坐爆先啦^^)

決定要比多D壓力自己^^有壓力先有進步~

希望自己唔好變懶,好似中一中二咁浪費自己的時間啦~

要先定位目標比自己~千萬唔好遲到早退~

唔好比人記名,唔好欠功課...好多好多,自己最清楚自己要做咩.唔多講

除成績之外,當然仲有我最好的朋友同屋企人啦~

朋友我當你一世朋友~希望今年可以做一個好人,去幫多d人,帶比身邊的人多一點的快樂啦~

希望做曬咁多野仲會有時間同精神去幫下呀媽做家務同開解一下家姐啦~今年真係要大加油啊~

希望大家同我一齊努力令今年變得充實同充滿愉快啦~(希望有大家的存在,可能無人會睇我D廢話~呵呵)

P.S.勁耐未打過blog~之後可能會一個星期打一次