藍色=團長/義工   紫色=幼童軍

話說班仔攞左個比賽嘅冠軍

所以作為導師之一嘅我好開心地可以去海洋公園

8:00a.m.集合,我7:43就到(後來驚覺唔記得買包T^T)

------------------------------我是分隔線-------------------------------------

上左車之後,難得見到白懿叡攞條耳機線出黎聽歌,梗係搶番條黎聽啦(自己啲歌聽到厭)

黃穎姿同陳穎嫻(幼童軍)話我地好似情侶= ="居然連高淑潔都咁講T^T

其實似唔緊要,唔係咪得囉~

搭左好耐車,但係聽住歌又好似唔多覺>﹏<

~~~~~~~~~~~~~~~~~~~~~~~我都係分隔線~~~~~~~~~~~~~~~~~~~~~~~~~~

去到OCP(海洋公園)之後,班仔走散左,結果未入到去就比人鬧T^T

入左去之後,就按慣例搭纜車上山

我同黃穎姿､陳穎嫻&吳彥璇一齊坐(沿路大玩尖叫XDXD)

其實黃穎姿一直望住纜車底XDXD

上到山個個都跟實區Miss(唔驚佢再鬧我地咩)

之後去左玩飛天秋千,玩左成4次..= ="

後來去左玩海盜船,又玩左2次

第一次係我捉高淑潔同白懿叡玩嘅,之後係高淑潔話要玩多次= ="

我地2次都係坐船尾,其實船尾仲恐怖過船頭

但高淑潔係到講埋啲動漫嘅野,結果我同白懿叡係到話佢何等白痴XD

最衰過山車維修InG,唯有去玩翻天飛鷹啦

我個人認為翻天飛鷹好似搖籃...

加上之前個晚睇FA黎,所以好眼訓=_=

好開心咁訓左陣>﹏<

跟住我地去左海洋館睇魚魚,見到條出近世嘅斑紋鯊魚,好得意呀>﹏<

---------------------又係我呢條分隔線啦----------------------

After that,我玩左一次此生難忘嘅滑浪飛船

第一次,全體向前(高淑潔,我丨白懿叡,某幼童軍)

開船冇幾耐,我叫白懿叡將耳仔靠埋黎,然後係佢耳邊放聲尖叫(咩仇都報晒~)

跟住好開心咁坐住隻船(因為白懿叡對於我嘅復仇毫無反抗),

直至袁麗珊打電話黎...就係我地準備入去 沖落去之前個間屋嘅時候佢打個電話黎

我係褲袋攞個電話出黎聽,講左十幾秒,就放左去外套個袋度(坐近好難放褲袋)

沖落去個下全體向前(咁就死得人多啦,加上今日水好滿,唉)

沖完落去個秒,我心諗:咦?冇水嘅?

唔夠半秒我個腦就一片空白...成堆水跌落黎,仲諗到野就真係神奇

部手機呢就......佢好愛區Miss,完全被佢嘅魅力吸引住,不斷咁打比區Miss= ="唯有拆電喇

玩到成條褲都濕埋,no problem!去太空摩天輪乾衣啦

乾左2次都好似冇乜點乾咁,跟住又比高淑潔叫左去玩多次滑浪飛船=3=

第2次,我地聰明左,全體傾後(高淑潔丨我,白懿叡)

水花少勁多,哇哈哈哈XDXD

如是者,第3次都冇乜水Happy~

玩完仲有魷魚食=P(區Miss請架~)

Last,越壙飛車得我,阿沅,白懿叡同潘志誠玩

其實區Miss都好想玩架,但係要睇住班仔...

潘志誠居然想係我手上搶白懿叡過去陪佢坐,哼!

我一早book左架嘛,畢竟我第一次玩,坐阿沅身邊我會唔敢叫出聲架...

一開始我仲係到講花講草冇淋水咁,跟住就...唔講啦,冇人知冇人知(白懿叡除外,佢坐我側邊,冇理由唔知)

玩完就落山啦,其實我仲想玩多次架,但費事要一班人等我地啦...

落左山之後嘅野遲啲先講