今日7:00就起身..之後換衫整野返學//

姵妏放假..所以就自己一個行返學喇//

8:00返到學校喇..今日原來唔使早會//

初初唔記得左..上完班任堂就上綜人堂//

好悶呀..我都唔知佢講乜..悶左成堂囉//

之後上中吏堂..用左黎謄文呀..都唔太悶//

老師話我果篇作得唔錯..印左影比其他同學抄//

英文堂上左4樓..OK LA..做下練習//

生教堂講性騷擾呀..笑死我呀//

數學堂講下工作紙..好多功課呀//

MISS張成日都比好多功課架..低低地//

之後上科學堂..有人話要上五樓..初初好多人唔上//

之後有係要上..就同埋佢地上去..上堂好悶//

12:55就放學喇..之後就返屋企食飯喇//

1:15返到屋企..之後食飯換衫出街//

2:15約左呀WING..小瑩子同埋楊婉瑜//

係客運中心等..我遲左呀..真係唔應該呀//

之後就搭車出市中心喇..點知歐陽佢地又出左去//

叫佢地係唔知邊度等囉..之後一齊行街街//

好怪呀..4個女仔無啦啦有2個男仔係度//

到左市中心就去"許留山"買野飲..好正呀//

之後去置樂..買左個雞蛋仔食..唔係咁好食//

又同佢地買下衫衫..我夾左少少糖食//

個個都拎我D糖食..都話好正架喇//

佢地又唔信我..之後我又買左條褲喇//

短既牛仔褲..都幾靚呀..$50咋//

行完就去左麥當奴食野..有人請食薯條//

我地成班女仔食左2包大1包細既薯條//

我食得最多呀..哈哈..之後就影相喇//

去左影貼紙相..都幾靚呀..好好笑呀//

今日幫佢地改左個花名呀.."小白臉"呀//

歐陽又打比佢條女..扭汶..係度玩呀//

歐陽好似好緊張呀..果陣笑屎我地喇//

仲係咁用楊婉瑜條仔..馬文輝既手提呀//

個個都係咁傾傾傾..用爆佢既分鐘呀//

之後搭小巴返屋企..佢地係兆山落車//

我自己係兆禧落..之後係樓下撞到凱文//

又見到媽咪..就返屋企喇..芷瑩又打比我//

講7/5既事呀..啟豐攪左"殘酷一叮"//

又講下唱乜歌同埋有咩玩..聽日打波之前練舞呀//

夜晚食飯果陣..唔小心倒射左碗湯..成身濕晒//

又要沖多次涼..又比老豆狂啤..唔食飯囉//

唔小心之ma..仲問我食唔食飯tim//

我發脾氣話唔食..佢話"唔食今晚唔好食喇"//

唔食咪唔食..仲好呀..當減肥囉..真係唔該晒呀//

夜晚又訓左一陣..9:30又醒左喇..睇電視//

又同姵妏傾電話..同埋做功課..聽日練波//