尋晚3:00先訓..之後今日''寧寧''10:45打電話俾我..我就起身聽電話喇..聽完電話我初初都諗住起身睇''孫悟空''架..但係可能係眼訓既關係..我又訓左喇..之後到11:50左右喇..''姵妏''就打俾我囉..果時我先訓醒ja..之後又同''王子''傾電話..呀媽又買左''M''記俾我食..之後我就好快咁食晒..1:00同''寧寧''去圖書館~因為好曬..所以我就帶左把''姐''..點知睇睇下..見到把''姐''有一D野..係雀屎黎架..好彩我有''姐''咋..如果唔係就死得囉..之後喇喇聲問''寧寧''借紙巾喇~

我地就行去圖書館喇..好多人下..等左陣先有位坐..我同''寧寧''睇睇''下書..有個''傻仔''同我地講野牙..我真係好想打佢囉..都唔知係度講乜野..嘈嘈嘈!!!我好火牙 ..初初我好驚架 ~~但係之後俾我既感覺係好黑人憎牙 ~我做左2個圖書報告就走喇..陪''寧寧''食野..去左果間茶餐廳度食野..我仲幫''寧寧''食左少少..食完就諗住去買料整芒果布甸..點知D芒果好貴牙..成$25呀..痴線的..本小姐好日都唔整野食..一整就咁喇..之後就行下其他睇..點知冇tim..我決定唔買喇..之後諗住約人打牌..個個都唔得..''王子''又係市中心..姵妏佢地都唔得..但係過左陣..''王子''話我得牙..我地就去接佢喇~

上到去''寧寧''屋企..我地就打牌喇..打左幾鋪就冇打喇..又玩下電腦同埋睇電視..我今日先知道電視係有遊戲玩架..係''王子''話俾我聽..我先知ja..我仲同佢一齊玩..不過佢好屎牙..鋪鋪都輸俾我..我第1次玩架..haha..之後''寧寧''要同佢呀媽出市中心食飯..我地就走喇..不過走之前就去買野..買左d杯杯整布甸..諗諗下有人諗到唔好用芒果肉..用椰果..去左百佳睇..但係冇特價..之後就走喇..我同''王子''一齊搭車..因為佢又係搭返碼頭..我就搭去兆禧..係車度佢打我牙..唔記得講一樣野tim..''王子''佢今日既打扮好掂牙..可能係次次打波先見到佢喇..佢今日竟然著短牛仔褲呀..haha!!好難得~

去到兆禧..我諗住係樓下買野..點知樓下都冇..叫呀媽睇下有冇囉~點知呀媽都話冇牙..我諗住整呢個冇芒果肉既布甸..希望聽日你地唔好介意喇..仲有呀..我唔係個個都整俾係地食架..我整俾老豆同埋''王子''食~9:00''芷瑩''又約左我打排球..都幾開心呀..10:00就左''OK''買野飲..正牙..好彩佢俾我買左..因為有好好好少既酒精..飲完就走喇..沖完涼都11:00咋..同''王子''同埋''姵妏''講左兩句電話..聽日7:00練波喇..一定要好早起身呀..我諗我聽完''絕情谷'(2:00)'都瞓架喇~

之後我就開始執聽日既野喇..我發現條波褲仲未洗牙..喇喇聲睇下有冇第2條..冇牙..之後問''凱文''..佢有牙..佢借俾我牙..THXTHX唷!!