琴晚3點先訓=.="
今日9點起左身..所以都幾累
起左身睇左一陣野
康就叫我一齊出去食野~
之後就洗埋個頭~10點半出門口
去到佢地都未黎~等左一陣就去m記食野
食完都差唔多夠鍾~就去左ok等其他人
今日都幾多人黎~數數先
有我,濤,輝爺,駱駝,佳,滇,雄,康,生,青子,kk同芝樺樺
kk同芝樺樺就自己去~
等左2個字到~d人都到齊就搭車去三聖同輝爺會合
去到三聖等左一陣輝爺就到~跟住搭的士去黃金海岸
去到果時都1點幾~之後搵埋kk就去換衫
今日kk著得真係恐怖=.="換完衫就仲死....
之後就搵地方放野...搵到個幾好既位
之後諗住打排球,但係d救生員唔比=.="
所以我地成班人就落水玩~勁好玩...但係康,雄,佳,kk同芝樺樺都唔敢行咁遠=.="
因為佢唔地游水....所以玩得都冇咁盡興
游左一陣就拎個排球係水上玩馬騮搶球
玩左都幾耐下....我地都累la~就休息下
之後我地同排埋一齊~同d大浪惡鬥\﹏/"搞到飲左勁多咸水>_<"
又之後埋左駱駝係d沙度,淨返個頭係道~我地影左張相,想睇既就去相簿睇
玩到5點幾~個個都累la~就走~
去到更衣室果道~嘩...多人到要排隊
等左勁耐先到我....換完之後出左去等埋其他人
最後一個出黎既男仔竟然係濤=.="佢入去仲早過我,但係我都早左幾個字出黎
之後kk同芝樺樺都前後出黎
等齊人就搭的士去返三聖~
之後搵地方食飯~搵左幾個地方d野都好貴...熱飲+5蚊,凍飲+7蚊~o嘴
最後竟然去左連良景都有既大快活~食完之後諗住成班去市中心,但係生,滇同雄都話周身濕哂唔去
事關佢地冇帶褲換~就咁去游~所以就周身濕哂
但係都冇損我地去市中心既心情~所以影左幾張相就行...
點知kk都話唔去=.="佢就自己搭小巴走
之後我地就搭輕鐵去市中心~行左一陣,影左幾張相...
大約8點10就走,返到屋企勁累
即刻沖左個涼~沖沖下涼發覺條腳比d野整到
沖完涼發覺周身都損哂=.="相信係游水果時比d砂石整到
之後睇埋電視就upload d相上黎同打blog
之後就訓左~~
今日真係好好玩~有活動咪好囉~個個禮拜都有活動就好la~
最後幾個禮拜,所以有咩活動我都會有乜影乜~
將我地每個活動既行程都影哂出黎!
呢篇野打左七百幾字@o@"算多la掛
今日更新:相簿
|