今日6點就起左身~
因為我地book左場打波,所以就咁早起身.....之後7點2就到良景
去到d人都差唔多到齊....等多一陣就到....之後就鬥波~
但係我冇打到...因為佢地叫我影相=_="
所以就乜都影......打左2粒鐘...影左3x張相....好多都係無聊先影....
打完之後我地分開兩路食早餐....一路係m記,一路係美心
我就揀左我美心.....我地食完之後諗住踢波la~就去同其他人會合~點知去到m記唔見哂=.=
原來佢地一早食完仲走埋.....之後去左青子屋企坐.....傾下計咁la~
上到去見到輝爺同康....但係佢地過左一陣就走...因為要專題
之後駱駝打黎問我地幾時落去踢波~仲話佢食完美心d野食咁嘔......
我地個個都冇事...得佢有事....應該係佢腸胃既問題....我地就叫佢休息下...晏d先踢波
我地繼續傾...之後輝爺佢地返黎....就一齊傾....傾到11點半就去踢波~
但係輝爺話遲d先黎..因為佢唔識洗機=.=要搵青子幫佢洗....
搞錯..咁大個人洗機都唔識=.=
落到去又岩岩見到駱駝...之後佢都冇乜事....'
踢波踢左一陣....之後我地就練到時班際足球應該點走位.....可惜唔齊人...就拉左周卡扮勇...而我係同輝爺同一個位...所以唔洗扮
練完之後又繼續踢....我地踢到2點就走人...
返到屋企就3點鐘....沖左個涼後四點出沙田探婆
成6點先到....探完之後食埋飯先返黎....返到黎都10點半...點知返到屋企個肚勁痛.....連去3次廁所....真悲哀
之後睇怪談....嘩..今集講之後既不思議手記去邊.....佢地拍到出事添~
想睇既一定唔可以錯過~
睇完之後諗住睇下其他人個blog la...但係唔知點解睇唔到wo....就連自己果個都上唔到.
之後都上到冇事....打埋blog就去訓...
今日更新:相簿..但係d相都幾無聊...不過都照放....覺得唔好唔好罵我丫
|