好攰．．．對住你．．我好乏力．．都唔知點好

點解你要將所有野推曬俾我．．

我有錯．你話我唱你．我覺得自己唔係，因為每一次都係人地問我我先同人地講．

如果你覺得我咁樣係唱緊你，可以，隨便你．但請你要睇清楚自己都有錯．

唔好一味話自己好慘好可憐，好委屈，幫自己做嘅過錯搵一啲理由去推俾人．．

唔好一味話人地對你差，你對人又好好咩？？

你可能覺得自己對人唔錯，點解啲人要咁對我．．

但係你有冇諗過點樣對人先至叫好，

唔係成人請人食野，幫人做野就叫好，更何況你幫人嘅對象九成都係個一兩個．．

你同人地相處，係要攞個心出黎．對人要真誠．

唔知你覺得自己做唔做到真誠？但係我話俾你聽，係好多人心目中你都做唔到．．

唔好話人地唔鍾意你，你又好鍾意人咩？？？？

你覺得你自己唔鍾意人個陣掩飾得好好，但其實你已經做曬出面！！！

唔好怨天怨地怨豬怨狗，搵一次怨下係自己好唔好？？？

係你做一啲自己自認為ｏ岩嘅野嘅時候，你已經傷害ｏ左人．

可能係你不自覺，所以傷害先至會越來越深．誤會先至會越來越多．

你唔覺得自己有任何問題，可以！但係請你唔好再將所以野推曬俾我，

你推俾我嘅，我知！！！你講過嘅我會記得，你要為自己嘅言行負責．

你會辛苦，我都會！！！

你淨係話自己好辛苦好難受，咁我同其他人又好好受．．

成日話乜都係我做，全部都係你自己估，你究竟知道幾多真相！？

你嘅辛苦做曬出黎俾人睇，我嘅辛苦自己默默承受，

我比你辛苦千百倍，但係因為我唔想自己唔開心令到人地唔開心，令到個班唔開心．

所以我唔會令人地知道我唔開心．就算係，都只有我嘅好朋友知．

唔好話人地同你玩心機玩鬥智．．你唔同人玩，人地都玩唔到落去．．

我做咩你都覺得我同你玩心機玩鬥智．但玩心機玩鬥智係你自己覺得，你自己諗．

係你同你啲朋友眼中我係一個咩人，我知，

但ｏ係我同我啲朋友眼中你又係一個咩人，你又知唔知？？

一件事有好多面睇．你試ｏ下從人地角度去睇下你自己做緊啲咩野，傷害緊邊個．

唔好成日都以為自己係唯一嘅受害者，可能仲有一啲你意想不到嘅人係受害者．

一箱情願從來都唔係一個好嘅詞語．

ｐ．ｓ．有啲野，你唔知頭唔知路就唔好亂講

唔好將自己嘅錯推到我身上之後又話我拖累啊邊個又話我教壞啊邊個．

人嘅容忍係有限度ｏ嫁，唔好逼人要當面同你講到清清楚楚攤曬牌啦．．．