〤╭呀wing≠生活小記〢 - QOOZA BLOG 網上日誌

wingwing1018 : 個人主頁 - 相簿 - 訂閱 [ QOOZA - 論壇 - 登入 ]

2006 年 1 月 31 日星期二

~年初3...*##

今日係年初三...今日唔駛拜年呀..所以都訓晏左..
11點幾起身,之後就食飯,跟住就送grandmother去巴
士站..之後就同阿妹,堂妹去左行街..行到5點幾就返屋企lu...
之後就睇電視..食飯..玩電腦～聽日去我堂阿哥屋企玩..不過
我地就成3點幾先訓..仲要係玩下玩下馬拉松先訓得著~!

刊登時間︰2006-02-09 08:00 PM [ 訪客留言(0) ] [ 編輯日誌 ] [ 分享至FACEBOOK ]

2006 年 1 月 30 日星期一

~年初二**~

今日係年初二..我再祝大家一團和氣,笑口常開喇...一早8:30俾阿媽叫左起身..之後就食早餐同換衫.. 點知好耐都未出得門口..之後係度睇<鬥氣一族>,10點幾出門口..搭火車去紅磡拜年,去到紅磡再搭
巴士,因為我親戚住係唐樓..要行樓梯上去...仲要行到上天台...超累囉...之後就係度睇電視,之後食午飯,之後冇幾耐就走lu..差唔多去到火車站,我細妹又話漏左個袋冇拎..之後佢就同我阿爸返左去拎,之後我地就去火車站等佢地..我媽要拎野返屋企,所以佢就走先,之後我,我堂妹,我grandmother就坐係度等佢地..過左幾個字之後,佢地就返黎lu..搭火車去太和,去到之後..就係度睇漫畫..成10點幾先
走,先後就去車公廟..11點幾就走lu..搭火車返屋企..返到屋企就換衫訓覺 ...

刊登時間︰2006-02-02 06:44 PM [ 訪客留言(0) ] [ 編輯日誌 ] [ 分享至FACEBOOK ]

2006 年 1 月 29 日星期日

~年初一***

今日係年初一...我祝大家身體健康,心想事成,學業進步!!!尋晚成3點先訓..
今朝一早10點幾就俾人叫左起身,跟住就去左酒樓飲茶..都唔係食左好多野,諗住留返個肚..晏d去飲茶先食..之後11點幾同我細妹,我堂妹去左上水廣場行下..之後去左m記消磨時間,12點幾就返左屋企..1點幾到去左囍宴飲茶,原來姑姐姑丈佢地已經到左...3點到,表弟佢地話返屋企先..之後就同佢地一齊返屋企,因為其他人都仲未到,於是就同佢地邊行邊玩..返到屋企就係度睇碟..4點幾,佢地就返黎lu..之後我地就係咁出出入入..6點幾到..佢地就走lu.之後我地就好似平時咁..10點幾訓覺lu..因為聽日一早就要去拜年..而且仲要好夜先返屋企!

刊登時間︰2006-02-02 06:39 PM [ 訪客留言(0) ] [ 編輯日誌 ] [ 分享至FACEBOOK ]

2006 年 1 月 28 日星期六

〤年廿九~〤＃

今日係年廿九,過埋今日就新年喇..年年既呢一日都係好忙,好多野做,今年都唔例外,9點幾就
起左身..本來今日係諗住去教會架..不過最後都冇去到..之後就係度執床..掛揮春等等..到而
家先有時間打日記,玩下電腦～不過陣間又唔得閒lu..因為今晚食團年飯,而我阿叔同姑姐
佢地會黎,所以今晚都會幾忙..無論點都好..聽日就係年初一,希望大家係新一年日日都咁開
心,學業進步,身體健康..呀~仲有..心想事成喇!!!!!都希望大家會逗多d利是喇!!

刊登時間︰2006-01-28 03:15 PM [ 訪客留言(0) ] [ 編輯日誌 ] [ 分享至FACEBOOK ]

2006 年 1 月 27 日星期五

＊＊年廿八！！！

今日係年廿八..人人都會係屋企大掃除,而我就唔係喇..
一早起身,同我爸,我細妹搭車去搵我grandmother,架車勁唔好訓...
攪到我訓下又醒下～去到之後,我地就去左慈雲山中心行,跟住就去左
酒樓飲茶,食飽之後呢,就去左grandmother屋企拎左d野返屋企..返到屋
企就放低左d野..之後去左買賀年糖果等等既野,5點幾就返屋企!!!
食完晚飯之後,就同我家姐、我細妹去左沙田行花市,諗住有好多野行喇..
應該會好過上水果個..點知唔係..之後入去行左個圈就走..去左新城市行左
陣,搭火車返屋企...返到上水,就去左花市入面兜左個圈..之後就返屋企..!!!

刊登時間︰2006-01-28 03:03 PM [ 訪客留言(0) ] [ 編輯日誌 ] [ 分享至FACEBOOK ]

« | 91 | 92 | 93 | 94 | 95 | 96 | 97 | 98 | 99 | 100 | ... | 101 | »

wingwing1018

暱稱：呀wing
性別：女
國家：香港

MORE...