今日要練羽毛球,

再唔練就死,

所以我7點幾就起左身,

個身體好似唔係自己咁,

9點就去左天瑞體育館,

去到冇老師, = =

跟住我地自己係度搓波同打波,

好耐未拎起過塊拍打波啦,

最近都係主要練田徑同手球,

練羽毛球唔知做咩已經好似冇左上年既感覺咁,

究竟點解呀?

我唔想只係因為比賽而練波呀,

冇左個種感覺打波好似變得好辛苦咁呀,

好似冇動力要我去接波同打波咁呀,

呢種感覺係會令我好舒服既,

但係而家已經冇左啦,

會唔會搵番??

跟住練完波就番左屋企,

原本諗住落元朗睇醫生,

但因為太攰所以番左屋企恰左陣同食左飯就番番學校,

兩點準時番到學校,,

跟住係度練標槍,

練左陣就係度練波,

練到4點幾就早走,

諗住去練球會,

點知取消左,

就番左屋企!

最近行既所有路都變得漫長,

變得難行,

原來我以為只要自己忙就可以令自己忘記一D我再唔想你我腦裡面搵到既記憶,

原來係唔得架,

而家我差唔多日日都好忙,

好似冇時間比我休息咁,

但都忘記唔到,

一直都冇停低過,

一直係度諗,

我真的是累了,

精神上同身體上已經攰到唔想再走任何一步啦,

而家每一步已經傷害好大啦,

但真的停唔到呀?

可唔可以比一個休息既時間我呀??

究竟我係咪再冇能力去做任何野啦??

點解會咁架??