今日同平時一樣啦,

7點半去到天盛個ok度,

跟住一齊番學啦,

最近都好攰,

因為最近都係夜晚黎做功課同備課,

所以都搞到好晏先訓,

每日訓得4,5個鐘.....

跟住上左兩堂中史,

中史應該係咁多科我最明既一科,

呢兩堂係度睇片同講鴉片戰爭!

之後上中文,

MISS 區教,

唔知做咩我覺得始終唔係咁好,

唔係話佢教得唔好,

又係上佢堂好似咩都做唔到,

但又聽唔明佢講咩咁....

上經濟好似明佢講咩,

但做個陣又有d唔明咁,

開始有d對經濟有d興趣,,,,,,,,

食完野上左3堂數學堂,

係度派英文個d功課,

派左成堂,

跟住係度做數,

唔知做咩唔鐘意d數要用計數機,

覺得好麻煩,,,,,,,

最後個堂落左去禮堂聽佢係度講野,

差唔多全程係度訓覺,

勁攰.........

因為要開會,

所以冇去睇波.....

放左之後上左物理室度開會,

係度傾番d遇到既問題,

做左prefect之後反而諗左唔同既野,

同埋我地最近又遇到d野啦......

開完會之後係課室留左一陣,

跟住就走左,

去左美孚度練最後一次既第一階段練習,

去到原本有小小雨,

但之後又愈落愈大,

跟住我地就冇練到,

過左去體育館度,

講埋第二階段既野,

跟住就同左康婷佢地一齊去食野,

食完野係度玩左陣,

係度影相,

個個都好攰,

因為個個都上左成日堂,

跟住我地就番屋企.....

雖然今日冇咩點練波,

但都真係好攰.....

今日過得好忙,

都好充實......

其實過一段時間既感覺係咪會唔記得架?

可以再有一次令我回味嗎???