第一站:食野+天壇
天壇詳細資料:<http://www.chiculture.net/1201/html/1201c28.html>
去到皇穹宇前面嘅空地,有幾塊白地磚好待別。
你企喺一塊地磚上面,而我走到屋後面講野(正常聲綫)
我就好似喺你隔離講野一樣,好神奇!!!
當個導遊(阿青)示範俾我哋睇嘅時候,
有個團友話:「喺後面哎咪咋!」哈哈!

另外企喺其中一組四個地磚嘅第一塊上面拍一下手,就會傳回一下掌聲,
如此類推,但到咗第四塊拍四下嘅時候就一下都冇。
我同細佬都試過但唔得,可能人太多空間太少,所以聽唔到!
(哩兩個神奇嘅野係工作人員發現嫁!)

當皇帝祭天完成後,左右兩邊嘅士兵會拍手,而附近嘅百姓就要
由家中嘅男人帶領屋企人出天井拍手,以謝皇上為百姓祭天。
比喻家中只有三歲男孩,就由佢帶領,但如果全是女人,則可以繼續瞓教!

第二站:天安門廣場+仿饍
<天安門廣場小小資料:天安門廣場是世界最大廣場之一,位處北京城的中心。
因位於廣場北部的大門而得名。天安門建于1417年,它是通向皇宮-"紫禁城"的大門。
廣場的實際面積已經隨時光的變遷變更過很多次。天安門廣場不僅在政治上
具有非常重要的地位,也是平民百姓放風箏、散步、聊天的的休閑場所。>
我哋去天安門廣場影相、影大合照,之後去食仿饍。
個仿饍都唔錯,d甜點都幾好食,可能本人對食冇咩要求啦!
食飽飽就行下街,幫助消化!

第三站:王府井大街
王府井大街入面有條食街,食d炸蠍子、炸蜈蚣、炸曱甴等(嘔),
當然有其他,但你唔會買椰青、椰皇之類,喺香港隨手都可以買到嘅野嚟食囉!
d商場全部賣香港d野同MK冇分別,竟然有APM呀!所以我哋好悶!!!!
(講真我未試過行街會悶,仲要係第一次行!)

最後,坐車返酒店!我哋入住龍城麗宮酒店。廁所各有一個企缸同浴缸,
我提議叫風扮沖涼,我扮做Spa,影翻張相先!哈哈~~~
第一日行程完。