其實哩幾日嘅行程非常滿,但知道嘅事仲多!
北京係個歷史寶庫,最難得嘅係阿青就好似
一條寶庫嘅鎖匙。
因為好少導遊可以好詳細,
講一d書上冇嘅野俾你知,
仲有d溫故知新嘅感覺!哈哈~

當我聽完佢講慈禧太后d生活習慣、
對付人嘅方法後,我有一個想法!
如果可以俾我喺皇宮揀一個角色做,
之前一定會揀后宮佳麗或格格。
但宜家會揀做慈禧太后嘅近身宮女。
因為慈禧太后好注重自己嘅皮膚,
就連身邊嘅宮女都係!
佢曾經講過:「你哋(宮女)嘅皮膚,我見到你哋,
個心情都自然好。」所以佢保養d皮膚嘅時候,
d宮女都同時保養。係咪好正呢,女仕們!

P.S:但最重要嘅係,d保養品係慈禧太后出!
慈禧用得嘅一定唔會差得去邊。
喺佢身邊做死一世妹仔都底呀!<冇大志!!!>

我下次去北京(自由行),我一定會行曬故宮、
頤和園;去鳥巢、水立方,但唔會去十三陵!
再加上其他未去嘅景點就Perfect、玩眉啦!
哈~哈~哈~