我哋仲停留喺琴晚嘅法國大餐呀!(唔好意思!成地口水tim!)

返到學校個翻譯同我哋講:「今日去到4:00pm,你哋要快!」
我哋個個都話:「吓!宜家都點半啦!4:00pm完好趕啫!」
之後講多兩講,竟然可以話:「放4:00pm可以有多D時間去行街呀!」

最後我哋當然依時完成啦!收曬D野拿曬手袋,準備走人嘅時候,
個翻譯好奇怪錦問我哋:「你哋仲有堂要上!」
我哋:「你唔係話到4:00pm完咩?」
「唔係!你係咪要上Body Painting?你哋未上嫁?」
「係未上呀!但都無話幾時上呀!」「定係另一班?」
「唔知呀!你等陣我哋同我哋老師溝通一下!」
搞咗一輪終於知道發生咩事!原來到4:00pm係歌劇妝,
之後上Body Painting

當Vic做Model嘅時候話:「哩個星期變化好大呀!又做過舞女又留離過,
宜家又做火鳳凰!」
因為大家都話佢死後唔係升仙,而係做火鳳凰!

之後我哋去咗個廣場(名忘記咗),我買咗我生平第一份手信一>朱古力
俾舅父一家(拜託!!!唔好溶呀~)

我哋嘗試去鐵塔影相(日影),但搞咗一輪都係唔知點行(so放棄啦),
但誤打誤撞去咗名店街!因為大家都未食飯,再加上落雨同天黑,
打算行返去學校附近食野(名店街同學校相距一至兩個車站)
中途Meli大叫:「各位小心!我哋俊面有個賊仔跟咗我哋好耐,小心小心」
當然個賊白跟啦!(兩次個賊都唔係黑人!!!)

最後都係返酒店食杯麵~(已經12點幾啦!~)