Fion叫醒我之後,我先梳洗一下。
當我準備沖涼嘅時候,Fion準備落去食早餐,
同我講:「你ok就落嚟食早餐!鎖匙你keep!」
我哦咗聲之後佢出去我冲涼!
當我ok嘅時候都八點九,就唔食早餐直接去集合!
我哋成班話:「呢班機得個幾鐘頭,死都艾埋佢!
下一班先瞓飽佢!」
結果>>>>一坐低唔先半分鐘就......
當我醒嘅時候,餐車已經喺我身後!
有包包食呀!Polly同我都覺得D蕃茄片有D酸,
但因為我冇食早餐so唔理禁多,填飽個肚最實際!
食完又瞓~~~
突然,一下好強嘅離心力(如跳樓機突然降落)
整醒我清醒一陣過後,又死去~~~
過阿姆斯特丹海關,唔單止要除bell連鞋都要,
放落X光機度(我着高踭鞋)之前過巴黎海關都唔洗除鞋,
真係好怕有恐佈份子!
之後嗰12個鐘當然係喪瞓啦!
基本上除咗食野同去廁所之外,全程都係一條死屍!
食完又瞓,瞓完又食,哩次真係做咗飛天少女豬事丁!
喺落機前有段小插曲~~~
我突然流鼻血,因為Polly見到我流咗一陣又流好多
就叫咗嗰空姐嚟!其實,我只係arm arm開始只係
Polly太緊張,所以做成小小嘅恐荒~~~
由於我哋一落機就開如打電話報平安。
Rita同麥生講:「點解個個都打電話報平安,
點解你唔打俾我呀?」
「痴綫!」
Vic佢哋玩扮有人接機(有D真係有)
Rita又玩:「麥生,你去接我機!」麥生依然唔理佢!
到say完bye我去廁所,Rita arm出嚟,我同佢講:
「我嚟接你機!」「多謝你!」哈哈~
最後我平平安安、完完整整、安安全全錦
返到香港、返到屋企、返到父母身邊!
P.S:Meli唔小心將我D手信同地面嚟個親密嘅接觸
(希望會冇事啦!)
