我同亞Lin到咗九龍灣,但CK佢哋竟然仲喺銅鑼灣度呀!
要我哋兩個女仕等,冇d Gentleman風度
(行去搭穿梭巴士期間,亞Lin見到肥雋都話佢冇用)
Lin:「你同佢講咗都幾年啦!到宜家都仲避開你呀!」
我:「佢令我覺得我會食人,真係喺街頭見到我就調頭走!
總之有我嘅地方,就唔會有佢嘅存在!今日咪算好囉,
知我會出席佢都夠膽嚟!但你都見佢唔敢行嚟我身邊!」
Lin:「佢都真係好肥下!」
我:「已經瘦咗啦!佢之前仲肥呀!!!所以我話拖舊
肥豬肉出街,唔係人身攻擊而係誇張咗!you see!!」

我哋買咗飛、食完嘢,就排隊準備入去,
期間亞Lin講咗句令我只好傻笑嘅說話:
「點解我要俾錢人嚇自己」
入到去我同亞Lin只要聽到有人哎,我哋就大哎(呀~~~)
行咗一小段路,肥雋已經被人扯住件外套,
咪就係亞Lin嘅左手同我嘅右手囉!!!
(我哋之前係撟住手入去)
差唔多完嘅時候,我就被人嚇到差d跌低,仲要係兩次tim!
但第二、三個鬼屋就唔好玩,主要係吸印仔換禮物!
但有時喺你等吸印仔,冇心理準備嘅時候,就喺後面大叫!
都幾嚇人下!

其實整體都ok,驚嚇度平平啦!因為你見到就唔會驚!
你會同佢say hi 囉!甚至要求合照~~~
我第一次玩去個唔太恐佈,對我嚟講係件好事,
一定敢玩第二次!
我下年可能會去海洋公園or迪士尼挑戰!!!