第一站:金三角蜂園~~~sale蜂蜜、蜂皇漿同花粉,
我賣咗包花粉,因為它d功能對我都好有用,
食花粉總好過食藥,至少唔會有副作用呀!
一包先250克,係好嘅咪keep住食囉!

第二站:大象世界(250匹,HKD$62.5),
因為我無錢,所以得阿lin騎大象,我幫lin影相。
中途我同其他人去同隻大象相影,
係坐上象牙度,要50匹(HKD$12.5)。
之後,佢哋又話太暗(自己影果d),
結果,佢俾我哋影到好為止!
(我當然拉埋阿lin一齊照,駁老懵)

第三站:海味街~~~買手信呀!!!
我買咗椰子糖俾阿婆

第四~七站:曼谷shopping
<皮具專門店,燕窩土產店,四面神,三大百貨公司>
我哋去四面佛睇睇,但唔明點解它無廟俾它住?
泰國人錦信、錦敬奉,點解要它瞓街呢?
我發現到一樣好有趣嘅事,就係
請兩個人同四個人跳舞還神相差100匹,
六個同八個都係;但四個同六個就相差300匹,
真特別,同樣都係相差兩個人啫,
但可以差錦多嘅?

去食飯前,突然落大雨呀!!!

第八站:食700匹(HKD$150)嘅自助餐
喺樓高84層嘅五星級酒店,
我哋喺78樓食,之後上84樓睇曼谷夜影,
但因為落雨同維修,所以要用腳行同落83樓影相!

最後,我哋又塞咗快一個鐘頭車,先返都酒店休息。

P.S:笑話一則
喺我哋塞車嘅中途有個團友當大家解悶。
團友A:「阿Tim,有個手機喺個地下度!」
坐喺左手邊嘅人即刻望出去,
團友A:「真係嫁!arm arm喺架電單車度跌出嚟!
A!它響緊呀!」
團友A個老公:「你又知,你聽到咩!」
團友A:「它震緊呀!阿Tim快d"汁"咗它啦!」
阿Tim見團友A講得錦肉緊就同粒大粒細(師傅)
講叫佢去"汁"。
當粒大粒細"汁"咗它返嚟,同阿Tim講咗幾句,
阿Tim就笑到傻,錦團友A:「點樣呀?個電話呢?」
阿Tim又笑到傻,佢攞出嚟俾大家睇,
結果大家笑到肚痛,而團友A個表情係好"魚"呀!
阿Tim就話:「個size又差唔多,(指住個logo)又幾
似個螢幕。」
團友A個老公:「又話它響緊,見到它震緊,仲話喺架
電單車度跌出嚟!個司機唔知以為你哋班人窮到
吉嘅煙盒都"汁",定以為有一兩支煙呀!」
團友B:「都係d風"需",吹到個煙盒唔停錦轉,
等人哋以為電話響震機。我哋又講到鬼死錦肉緊,
等阿Tim叫粒大粒細落去"汁",
等粒大粒細以為有個電話可以用。」
團友C:「係囉!阿Tim仲叫粒大粒細『了了』(泰文=快D)!」
阿Tim:「粒大粒細今晚唔洗瞓啦!」
我同lin講:「最好笑唔係將煙盒當手機,而係
『都係d風"需",吹到個煙盒唔停錦轉,
等人哋以為電話響震機』。」
結果,大家成程車一諗起就笑翻!=>