| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
2008 年 2 月 23 日 星期六 |
| |
|
七言絕詩，好抵死！(工作篇) |
|
看更原來識雞腸，掃地都要寫文章；
學士碩士唔馨香，因為博士都在場；
人工一定唔理想，七仟左右已中上；
十二個月無雙糧，兩年合約要裝香；
半年之內有工返，已經算係好收場；
開工應該喜洋洋，點知世態更炎涼；
管理之名樣樣理，萬人之下一人上；
資源增值好榜樣，以為發揮你所長；
光管燒左等你換，影印食紙你當殃；
電話唔通都關事，水廁唔通你清場；
電腦壞左要識整，發現病毒要早響；
食飯最多半個鐘，大小二便難舒暢；
中港兩地四圍走，遲早去阿塞拜疆；
仲要出街收爛賬，朝早做到午夜場；
公司人事要攪好，唔係就李代桃僵；
對付下屬要讚賞，對住上司要讚揚；
對待同事要禮讓，對住老板扮羔羊；
老細個仔問功課，資料搜集你擅長；
芝麻小事難迅Ｄ，唔識都要頂硬上；
上司老板夠無良，病都要做鬼體諒；
同事犯錯有你份，仲要鬧你正粉腸；
開會猶如打靶場，比人插到啪啪響；
翻開肚皮睇全相，鬧完仲要拍手掌；
工餘進修係妄想，回家食飯無相量；
想話請假來休養，老細面似屎一樣；
晚晚加班做七日，唔通個個嫌命長；
日日返工似喪屍，十足幾年無沖涼；
大假以為好安樂，手提電話日日響；
運動要響公司做，逐箱"快勞"搬埋牆；
老細生日當娛樂，週年聚餐齊歡唱；
笑臉迎人裝模樣，當正自己做歡場；
以上所講無誇張，全是打工眾生相；
奉勸各位打工仔，積極求存為至上；
年尾流流高危日，偷懶都係咪咁揚；
香港打工係咁樣，大聲疾呼“吹X漲”
係咪好有意思呢？
|
| [ 訪客留言(0) ] [ 編輯日誌 ] [ 分享至FACEBOOK ] |
|
2008 年 2 月 21 日 星期四 |
| |
|
我哋最常做�H白痴野  |
|
比你哋睇下我哋最常做�H事..
請用心觀看..>v<
1.玩米缸，將手插入米缸裡面�H米裡面篤下篤下。
2.在百貨公司入面篤扶手電梯旁的hi牌。
3.地下有階磚時，特登隔一格嚟行(不可踩界，要完全在格內)。
4.用錶面反射陽光，照嚟照去。
5.跳樓梯（愈多級愈勁）。
6.行路上高起咗地方(例如高起咗�H長條型石博)，好似玩平衡木咁行法。
7.鋪張紙在硬幣上面，然後用鉛筆係上面油，油返個形出嚟。
8.食完糖之後，將糖紙包番個原本四四方方果個形出嚟。
9.超級市場踩住架購物車嚟行。
10.踩水"tum"，係好特登果隻。
11.吹口水波。
12.搣牆上的乳膠漆或牆紙。
13.係平滑�H地面上面跣下跣下咁行。
14.整濕d紙巾，掟上學校廁所天花頂。
15.食完香口膠，一定摺返成張包裝紙，再放返入個大套入面。
16.響課室玩俄羅斯輪盤，將玩粉刷霑滿粉筆粉，
放係風扇上面，等個風扇轉轉下，
轉得怏個時飛出嚟，睇下個粉刷中邊個。
17.放膠袋(當風爭咁放)。
18.用條繩hid野到落去住下面果戶人既窗前，
然後"fing"來"fing"去，引人注意。
19.貼張龜仔紙嚮d同學個背脊度。
20.踩人地個影。
21.狂踩人地對白飯魚，尤其是大肥仔果d。
22.用幾條橡筋射d同學。
23.掉人地門口的拖鞋落街。
24."Mung"消防喉，射水落下面個球場，睇下射到幾遠。
25.嘗試用「念力」整彎湯匙。
26.用氣鎗射街上的途人。
27.玩千揪，"fing"到咁上下就飛出去鬥遠。
28.落樓梯時坐係d扶手上面"sir"落黎。
29.在自動梯行相反方向。
30.把「誤投信件」或沒有用的宣傳單張，胡亂放入其他的住宅信箱。
31.坐地鐵時，抓緊中間的扶手，地鐵一開動博命繞住轉(自轉)。
32.在月台上鬥快跑。
33.係被竇入面開住電筒扮露營同埋喺入面食零食。
34.用圖釘弄穿學校壁佈板。
35.亂按人地既門鐘，然後鬆人。
36.明知過左三歲，仍然吾買飛，「捐」地鐵既入出閘機。
37.不小心塗改液(很舊的有一個掃那種)塗在手上，
然後用附送的天拿水，搽在手上以圖弄去改液。
38.用歡樂天地等既硬幣當一蚊用。
39.煲蠟。
40.把汽水罐靜雞雞放在校車的車輪下攝住，開車時把它壓扁。
41.用螢光筆油指甲。
42.向學校d木台上面畫公仔。
43.用電筒/雷射筆射落街或者照住d路人。
44.搣碎d紙巾，然後拋出窗。
45.巴士一開車，就同佢鬥快跑（最終當然唔夠快啦）。
46.落雨擔遮，懶係型咁轉把遮。
47.見倒d矮過自己既人行緊過黎，會好自然"gut"高d行。
48.將擦膠碎「初」成一粒黑色物體。
49.玩冒險樂園d遊戲(例如籃球或保齡球)，企o係最高或企喺跑道�H最尾玩。
50.地鐵出閘果時「捐」過閘口，拎走張地鐵飛當地圖。
51.屋企冇人果時，對住塊鏡學人跳舞/做戲/唱歌。
52. 同細路爭一d無聊野，例如
「美少女戰士角色︰sailor moon係我既，火野麗係你既」或
「四大天王，黎明係我既，所以你唔准鍾意黎明，你鐘意郭富城啦」。
53.玩廁所水。
54.去到公園，係咁撕百千層d樹皮落黎。
55.慢慢行近麻雀到，企圖捉住佢地。
56.係街見到狗就扮貓叫，見到貓就扮狗吠。
57.趴喺地上扮死，想嚇阿媽阿爸。
58.畫花報紙或書上既畫，為人物加牛角或者胭脂等等。
59.拎d元寶當船放喺水上玩或者拋落街。
|
| [ 訪客留言(0) ] [ 編輯日誌 ] [ 分享至FACEBOOK ] |
« | 21 | 22 | 23 | 24 | 25 | 26 | 27 | 28 | 29 | 30 | ... | 137 | »
|
|
