逢星期日唔洗返工~幾好呀!!!!^o^
我真係有一大段時間冇打lu~
之前係考試ge關係---之後係返工ge關係...
返到屋企真係好攰呀..!!!
但係我又成日好遅先瞓..又要好早起身...
攪到依家有好大個黑眼圈...唉~
12/6係grad-din~
個日之前我同debbie,雪沂傾返d去之前ge細節...
但係去到12號真係亂哂...

12/6/08
10點幾--起身,食野,,,睇陣電視...
之後洗頭換衫...12:30幾出去啦....
首先自己去KF買d野,之後去TY城買數碼相機...
then同debbie去雪沂屋企...
雪沂家姐幫我地set頭同化妝~...整左好耐...
整到4點幾...之後去TY城等麗華...
then一齊去debbie屋企換衫...
約5點幾先出門口...搭巴士去尖沙咀...
跟住搭的去萬麗...
去到個度有d內地人同我地邊度可以食野...
但係我地對個度一d認識都冇...所以我答?不好意思,我們不太清楚呀!'
之後我地上萬麗2/F...我校ge grad-din....
開始係4個主持講返d回憶...之後係睇3班ge影片...
then校長同4個主持一齊切蛋糕...
之後開始食野lu~好肚餓呀!!
先係老師去拎野食,then女仔去拎,最後係男仔....
我食左都算幾多嫁~有炒飯,意粉,壽司,蛋糕......
食左都ok飽啦!!之後就周圍搵人影相~
最衰部相機好快冇電...用埋後備都冇....唉~
好彩ting2幫我影左d~不過我仲想同好多人影嫁....
但係佢地已經走哂lu = =
11點交場個時我同雪沂都走lu~
王冰帶我地去搭巴士...
但係...佢帶我地去對面馬路o個個巴士站度搭...
攪到我地搭返去尖沙咀總站...個'嫁'仲係尾班車...
如果我地唔搭就真係唔知我地搭錯車....
好彩我地有得搭尾二班車先可以返TY......
攪到我12:30度先返到屋企喎...~!!
返到屋企真係好攰呀~
攪呢樣攪o個樣攪到2點幾先瞓...

13/6/08
本來我可以6點起身返工~
但係我好攰好眼瞓,so 冇返工......
10點幾先起身,打電話返公司請假......
早上落好大雨呀~本來唔想出去~
但冇計呀!我想快d去debbie屋企拎返d野~
so 打電話傾d野......
2點幾冇咩雨...去TY城ge嘉禾買4:15ge'飛'...
then去搭小巴去debbie屋企...
去搭小巴之前有一個應該係宣傳'綠色和平'ge人行過黎問我d野...
不過佢問ge問題都幾怪下...

他:你有冇聽過呢個名呀?(佢手拎住一個封面有'綠色和平'字樣ge file)
我:有...
他:你幾多歲呀?
我:16歲...
他:你係學生定係返緊工?
我:返緊工..
他:咩工?
我:整雪糕月餅...(其實我諗緊會問呢d野咩...)
他:得閑睇下我地個網頁呀!
我:得閑先啦~我依家唔得閑...
(佢好似好唔開心咁同我揮手...)
其實我真係好唔明佢~佢究竟想同我宣傳d咩嫁...?
一開始又唔講...都唔知佢攪咩...唉...算啦

之後我去搭小巴去debbie屋企樓下等佢拎我d野比我...
then搭返小巴去TY城,落車之後行快d...
費事又見到頭先唔知想講咩ge人...
then先去豐澤貼返o個個晶液保護貼落個部數碼相機度...
之後去嘉禾睇'破天慌'....好彩入到去仲未開始姐...
有d情節都幾恐怖...但係成個故事都幾無聊下...
跟住返屋企...食飯,沖涼...msn問人拎返grad-din d 相......
12點幾先瞓......

14/6/08
6:10起身食野,刷牙,洗面,換衫返工......
返工d野冇咩好講~
我依家ge工作係做紀錄...
(本來我份工ge名係雪糕月餅製作學徒,但依家好似係雪糕月餅製作紀錄員喎!!)
姐係紀錄返整個時d雪糕ge溫度同雪糕月餅完成品ge數目...
之前個兩日冇返就攪到d野好亂,
都唔知點睇...真係煩...
琴日有個同事比人炒左...好似話咩佢同其他同事相處得唔係咁好...
而且呢件事係佢本人打手電比我講比我聽tim...
都唔知好笑定係點......
之後又要ot啦...今日整左932個...
比之前多左好多呀~本來我地每日要整1200個...
我地一開始一日3百幾乍...so 快左啦...
係咪好好呢....其實個雪糕月餅都幾好食嫁....
遅d買d送比人試食先...不過都幾貴下...
員工可能便宜d....想買就問我啦(講下乍)...
不過好似係8月先可以買,而且我8月15之後就唔do啦...要買就快d啦
放工返到屋企約8點9...食野同睇電視......
有電話黎個時...坐係隔離ge細佬又唔聽...
第二個細佬聽個時口氣又不太好...
攪到我地個個都比呀爸鬧...攪到我勁唔開心喎~
佢都唔知發咩神經,咁都唔洗鬧呀..><...
之後沖涼,刷牙,瞓覺....

15/6/08
今日唔洗返工,so 遅d先起身...
12點幾先起身...之後用電腦打日記....
打打打.....打到依家喎~
中間不斷暫停...so 打左好耐都未打完...又要諗喎...
不過...依家都打得7788 ge 啦!!
遲d再得閑再打啦!!

grad-din d 相我會放係相簿度ge啦~想睇就自己去睇啦~
不過唔一定全部都有我個樣喎~係咁啦!!!
Bye~