今日去海洋公園啦~~
我地6點幾7點幾起身~8點出門口~
去"青城"搭MTR去金鐘等呀姨佢地~
呢日有兩個表妹,兩個表弟-- 一個呀B,我呀姨,芬姐,我同我家姐共8個人一齊去
冇一個大男人去~~
我同我家姐去到金鐘仲要等成半個鐘呀姨佢地先到~
唉~早知8:30先出門口啦~
佢地9:30到~then我地一齊去搭城巴好似係629號去海洋公園
去到海洋公園,佢已經開左喇!!!!
then呀姨分d'飛'比我地入去海洋公園大樹灣入口(佢係係琴晚買ge)
入到去緊係影返張相啦~不過我一定唔會影我自己嫁!!
入到去海洋公園30周年ge標記
入到去ge風景
小食亭(d野食貴到白痴)
呀B~好得意呀~
以下係途中一部分ge野~
跟住我就即刻去玩lu~
首先係"滑浪飛船"
我同我家姐一齊玩~真係好好玩呀~
上到船之後~途中有好多水阻~係度轉圈~冇咩野呀!!!
係度撞黎撞去~最後經過一個水濂,之後就沖落去lu~
我地兩個人輕,so衝力冇咁大~冇咁濕~
then我地去隔離玩"太空摩天輪"
呢個都係猛咁轉~轉到呀~~唔知點講!!!
之後又玩多次"滑浪飛船",今次係4個人玩~
so衝力大左~又濕多左!!!
跟住我同表妹去玩"越礦飛車"
心情唔講啦~總之好玩啦!!!!
then我地搭登山電梯去"海洋摩天塔"
途中經過"太平洋海岸"
跟住就係"海洋摩天塔"ge風景
跟住我地去"海洋金銀島"對面ge休憩亭食野喇!!
呢個就係"海洋金銀島"喇
係呢度可以買紀念品,不過好貴~so冇買,不過好想要d公仔呀!!!><
我同我家姐ge午餐係三文治,一人一個~算係飽ge啦!!
跟住我地去玩左一樣攤位遊戲,唔中,so之後唔玩lu!!!
then我地玩"飛天秋千",又係係度轉呀呀!!好玩!!!(冇影到相)
跟住玩"瘋狂過山車",全港最長ge過山車,極速同刺激ge雙環迴旋轉
好激呀!!係度撞撞撞,轉幾個圈~都係好好玩!!!!!(都係冇影到相)
then玩"極速之旅",由雙搭組合成ge速降機全程約1分鐘,
算係慢慢咁升上去,then係毫無心理準備高速急降60公尺(相等於二十層樓ge高度)到地面
我全程都合埋眼~都唔係好驚~玩完之後都唔驚!!!
then去玩"沖天搖擺船"
then又再玩"瘋狂過山車",又係度撞撞撞,不過呢次撞到我個頭(痛)
跟住我地去"海洋劇場"睇3:30 ge 海豚,海獅表演
一開始話可以有兩個觀眾近距離接觸海豚,佢叫3~2~1之後我企起身~揮手,佢本來係叫我嫁!!
但係有個人同我一樣衫,攪到佢可能以為叫佢出去~哼!!算!!比你囉~~
好多人呀~好熱!!
跟住去"鯊魚館"睇鯊魚
跟住我地去"海洋館"
then我地去"水母萬花筒"
d水母真係好靚呀!!
跟住我地去搭登山纜車往山下~
搭完纜車之後我本來想去"海洋公園格蘭披治地帶"玩個d車,
不過原來要錢嫁!!唉~冇得玩----
之後想去"七彩昇空天地"坐七彩昇空氣球,
體驗離地約100公尺ge飄然感受,睇港島南區ge景色
不過要等1個鐘~我僅係唔等啦!!!!!!
跟住我地睇小丑表演~
then去"兒童王國"玩啦!!!
首先玩"幻彩旋轉馬"兩次,跟住玩"昇空奇遇"
then走lu~~大約7點幾啦!!
返到屋企約8:45,then食野,沖涼,洗頭,瞓覺喇!!!!!!!!!!!!
~完~
~海洋公園一日遊~ 
刊登時間︰2007-06-24 03:53 PM [ 
