9月5日

一落機場，就只系覺得話咁快就到左台灣，啱啱仲系度喊緊，但一個鐘頭之後就已經身處台灣

之後又等下人，等車到，等會長公佈D野，等去到基隆...

落車之後，就已經見到馬來西亞D學長準備左駕車仔幫我地呢D女仔搬"喼"

而男生，惟有自求多福lu

夜晚去左口福源到食燒烤(我食左個燒干貝，但味道就還好...)然後去全聯掃d要即刻用ge野

而宿舍真系細到冇人有，當我執好我個"喼"d野之後發現﹕我個"喼"冇位擺!!

到最後擺左系門後面，就爬左上床瞓覺 (床系上下隔床，我房有兩張，再加上四個亂擺ge櫃...)

9月6日

一早比台灣ge室友吵醒，因為佢11點到同佢屋企人系我床下搬野...

然後因為自己懶筋發作，就咁出左宿舍系全家福買左舊飯團同便當，但飯團勁唔好食lo...

等到下晝3點，就同室友且香港來的&同系的阿温出去，搵會長佢地去大潤發買床舖嗰D野

尋晚班男仔瞓得好苦，冇床舖不止，仲冇得開冷氣，反而我，開冷氣凍到我要借室友GE枕頭同棉被唻瞓

系嗰度駛左兩千幾蚊台幣，主要原因系比LIBBY學姐欺騙，買左七百幾蚊GE被，但OK舒服，所以都值回票價

但番唻嗰陣勁慘，一來一回都要三個鐘頭車，番唻嗰陣又撞正收工時間，勁逼人...

然後系三媽臭臭煱嗰度食，同三個學長坐埋一齊，八左唔少野~~

夜晚都系系房間發呆，完全冇野做

9月7日

呢日朝早一早起身去交學費，因為阿温已經交左，所以只有我要自己一個趕去圖書館

而當我仲CHECK緊錢嗰陣，阿温話夠鐘LA WO，嚇度我着左件睡衫+波褲就沖左落去，但落到去人影都沒隻

嚇度我以為佢地自己去左交，諗住等到十一點就番宿舍，但好彩GARY同子聰兩個字之後到，唔系GE話就嚇死

佢地一睇到我GE樣，都笑我着到咁CASUAL，但我出門口嗰陣已經遲到LA MA，佢地仲遲過我，但我都系唔夠膽咁話佢地

然後中午系學校餐廳食，第一餐果然唔錯，而且我食到飽都只需要42蚊台幣JA，抵到爛!!

點半，同班室友一齊搵PH學長同男仔去光華買NOTEBOOK，當然男仔買台機LA

但搭車出台北，都用左差唔多兩個鐘頭GE時間，系光華等PH將佢部腦擺去維修之後，就各有各行，男仔睇台機，PH同我地三個女仔睇NOTEBOOK

行到四點到我先買左而家呢部華碩GE唔知咩型號，兩萬四千蚊台幣，PH話都OK GA LA，效能又好，又唔會太重

買完之後去搵班男仔，搵到佢地嗰陣佢地仲系度諗緊買唔買JA!!攰死我LA!!

好彩我第二個室友之前讀僑大，識得番去，大約六點我地攞左機之後，就一齊番去，但途中都系台北車站嗰邊GE銀座食座換拉麪，但食完嗰陣身上只剩番兩蚊台幣JA

勉強番到唻，就開始搞下NOTEBOOK，搞下上網咁，成兩點先瞓

9月8日

今日一朝七點幾起身去體檢，我以為要驗屎，但原來，嗰D誇張GE體檢系你搞居留證嗰陣先出現，嚇餐慒...

而我過到唻台灣之後，體重變輕左，身高變矮左AR~~

最怕GE抽血，好彩台灣GE護士手勢比澳門GE好好多，我冇出現理工體檢嗰陣抽完血即刻暈GE情況

HOHOHO，我而家等到一點到先去食飯，所以在此打番篇與外界斷絶聯繫四日GE日誌

P.S.陣間四點就去郵局搞戶口，所以爸爸就唔駛太擔心我D錢會有咩問題LU